+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Eńbek mınıstri Arýjan Saınnyń 42 500 teńgege qatysty synyna jaýap berdi

2020 jylǵy 16 shilde 17:00
Bólisińiz:
Eńbek mınıstri Arýjan Saınnyń 42 500 teńgege qatysty synyna jaýap berdi

NUR-SULTAN. QazAqparat – QR Eńbek jáne halyqty áleýmettik qorǵaý mınıstri Birjan Nurymbetov 42500 teńge járdemaqy týraly Arýjan Saınnyń synyna jaýap berdi, dep habarlaıdy QazAqparat.

Uqsas jańalyqtar
2,2 mln-ǵa jýyq qazaqstandyqqa 42 500 teńge tólem aýdaryldy Shilde aıynda 163 myńnan astam jambyldyq 42 500 teńgeden kómek aldy

QR Bala quqyqtary jónindegi ýákil Arýjan Saın 42500 teńgeniń balaly otbasyna jetpeıtinin, járdemaqyny bala sanyna qaraı taǵaıyndaý qajettigin aıtqan edi.

«42 500 teńge – elimizdegi jalǵyz áleýmettik tólem emes. Bizde bıýdjetten 39 áleýmettik tólem, aı saıyn shamamen 300 mlrd teńge tólenedi. Onyń ishinde 8 járdemaqy men 3 tólem – balaly otbasylarǵa qoldaý kórsetýge baǵyttalǵan. Bala týǵanda beriletin tólem, bala kútimi jáne bıyl bala sanyna qaraı taǵaıyndalatyn jańa memlekettik áleýmettik járdemaqy engizdik. Búginde 1 mln 700 myńnan astam bala tárbıelep otyrǵan 390 myń kópbalaly otbasy osy járdemaqyny alyp otyr», - dep atap ótti mınıstr Ortalyq kommýnıkatsııalar qyzmetinde.

Sonymen birge, mınıstr tabysy tómen otbasylardyń adam sanyna qaraı taǵaıyndalatyn ataýly áleýmettik kómek alatynyn eske saldy.

«Qazirgi ýaqytta 128 myń otbasy nemese 660 myń adam ataýly áleýmettik kómek alady, onyń ishinde 442 myń bala bar. Olar da memlekettiń kepildendirilgen áleýmettik paketin alady. Sondyqtan, balaly otbasylarǵa áleýmettik tólem saıasaty júzege asyrylyp keledi. Jáne balalarǵa qatysty tólemder ótken jylmen salystyrǵanda 1,5 ese artty. Ótken jyly bul shyǵyndar 372 mlrd teńge bolsa, bıyl – 581,5 mlrd teńge bólindi. Degenmen, ár tólemniń negizdemesi bolatynyn túsiný kerek. 42 500 teńge – memlekettiń jumys isteıtin azamattarǵa degen az da bolsa kómegi. Eger bir otbasynda birneshe adam jumys istese, tıisinshe árqaısysyna 42 500 teńgeden beriledi», - dedi Birjan Nurymbetov.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT