+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Eńbek mınıstri: Ár adam bıznes bastaı alady

2019 jylǵy 9 qarasha 01:48
Bólisińiz:
Eńbek mınıstri: Ár adam bıznes bastaı alady

PAVLODAR. QazAqparat – Eńbek jáne halyqty áleýmettik qorǵaý mınıstri Birjan Nurymbetov Pavlodar oblysynda «Eńbek» memlekettik baǵdarlamasynyń qatysýshylarymen kezdesti. Bul týraly QazAqparat mınıstrliktiń baspasóz qyzmetine silteme jasap habarlaıdy.

Uqsas jańalyqtar
Darhan Káletaev: «Halyq únine qulaq asatyn memleket» tabysty júzege asyrylýda Prezıdent Joldaýy: Salyqtan bosatylǵan kásipkerler 382 mlrd teńge únemdedi Elordada Prezıdent Joldaýynyń alǵashqy nátıjeleri týraly aıtyldy

Sondaı-aq, QR Eńbekmıniniń basshysy qarttar men múgedekterdi áleýmettik ońaltý ortalyǵy men jumyspen qamtý ortalyǵynda boldy. Kezdesýler barysynda Birjan Nurymbetov QR Prezıdenti Qasym-Jomart Toqaevtyń Qazaqstan halqyna Joldaýynyń negizgi baǵyttaryn túsindirip, jumyssyzdar men múgedektigi bar azamattardy memlekettik qoldaý sharalary týraly egjeı-tegjeıli aıtyp berdi.

Birjan Nurymbetov Pavlodarǵa kelgennen keıin birden «Ardagerler úıi» qarttar men múgedekterdi áleýmettik ońaltý ortalyǵyna keldi. Uıymnyń jumyskerlerimen jáne múgedektigi bar adamdarmen áńgimelesý barysynda mınıstr múgedektigi bar azamattarǵa qamqor bolý árqashan Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumysyndaǵy basty basymdyqtardyń biri bolyp qala beretinin atap ótti.

«Ońaltý qyzmetteri - múgedekterdiń qoǵam ómirine tolyqqandy qatysýynyń qajetti quramdas bóligi. Áleýmettik qyzmet kórsetý júıesin jańǵyrtý, qyzmetter men ońaltý obektileriniń sapasy men qoljetimdiligin arttyrý maqsatynda 2020 jyldyń 1 qańtarynan bastap Qazaqstanda Áleýmettik qyzmetter portaly iske qosylady. Bul tehnıkalyq ońaltý quraldaryn jáne arnaıy áleýmettik qyzmetterdi usynýdyń bıznes-protsesteriniń ýaqytyn olardy proaktıvti formatta taǵaıyndaý arqyly 8 aıdan 1-2 aptaǵa deıin qysqartady. Portal sonymen qatar ońaltý qyzmetteri men quraldarynyń alýshylardyń jeke qajettilikterine sáıkes kelmeý máselelerin sheshedi, óıtkeni múgedekter taýarlar men qyzmetterdiń qajetti túrin óz betinshe tańdaı alady», – dedi Birjan Nurymbetov.

Jumys sapary barysynda Eńbek jáne halyqty áleýmettik qorǵaý mınıstri memleket tarapynan qarjylaı kómek alyp, óz isin belsendi damyta bastaǵan Nátıjeli jumyspen qamtýdy jáne jappaı kásipkerlikti damytýdyń «Eńbek» memlekettik baǵdarlamasynyń qatysýshylaryna erekshe nazar aýdardy.

«Bıyl búkil elde mıkrokredıt berýge 83 mıllıard teńge jáne granttar úshin 18 mıllıard teńge bólindi. Bizdiń baǵalaýymyz boıynsha 20 myń adam mıkrokredıt alýy kerek, al biz 38 myń adamǵa grant bergimiz keledi. «Eńbek» memlekettik baǵdarlamasy barlyq óńirlerde iske asyrylýda, biraq men Pavlodar oblysy granttar men mıkrokredıtter berý boıynsha aldyńǵy qatarly aımaqtardyń biri bolyp sanalatynyn atap ótkim keledi. Munda jyldyq jospar oryndaldy. Bul tıisti qyzmetter túsindirý jumysyn durys júrgizilgenin, adamdar bul quraldar týraly habardar bolyp, óz bıznesterin damytady degendi bildiredi. Bul halyq kirisiniń ósýine ákelýi kerek», – dedi Birjan Nurymbetov.

«Eńbek» memlekettik baǵdarlamasynyń qatysýshylarymen kezdesken mınıstr búginde jappaı kásipkerlikti damytý quraldaryn qoldanýdyń oń áseri baıqalǵanyn atap ótti.

«Pavlodar mańyndaǵy aýyldardyń birinde «Eńbek» memlekettik baǵdarlamasynyń múmkindikterin paıdalanýdyń jaqsy úlgisi bar. Búgin men shamamen 5 mıllıon teńge mıkrokredıtke 9 sıyr satyp alyp, qazir bıznesin keńeıtip jatqan jeke kásipkermen sóılestim, ol jer satyp alǵysy keledi. Ol jumysshylardy jaldaýdy josparlap otyr, olar onyń turaqty tabysy joq aýyldastary bolady. Bul memlekettik baǵdarlamaǵa qatysýshynyń óz isin damytyp, basqalarǵa jumys usynýynyń jarqyn mysaly. Men jumyssyzdardy memleket beretin múmkindikterdi paıdalanýǵa shaqyramyn. Ár adam bıznes bastaı alady», – dedi ol.

Pavlodardaǵy jumyspen qamtý ortalyǵynyń qyzmetkerleri Birjan Nurymbetovke «Eńbek» memlekettik baǵdarlamasynyń barlyq baǵyttarynyń oryndalý barysy týraly habarlady. Olardyń aqparaty boıynsha, ústimizdegi jyldyń 10 aıynda jumyspen qamtýdy yntalandyrý sharalarymen 10 179 azamat qamtyldy, onyń ishinde 6685 adam turaqty jumys oryndaryna, 337 adam áleýmettik jumys oryndaryna, 290 jas azamat jastar praktıkasy jáne 656 jumyssyz adam qoǵamdyq jumysqa jiberildi.

Sonymen qatar, Memlekettik baǵdarlamanyń 1925 qatysýshysy oqýǵa jiberildi, onyń ishinde 358 adam TjKB-da, 1195 adam qysqa merzimdi kýrstarda, 372 adam «Bıznes Bastaý» jobasy boıynsha kásipkerlik negizderine oqıy.

354,1 mln teńge somasyna 34 shaǵyn nesıe jáne 183 grant berildi. Eńbek resýrstarynyń utqyrlyǵyn arttyrý baǵdarlamasy boıynsha qalaǵa 34 oralman jáne Qazaqstannyń ońtústik óńirlerinen otbasy keldi.

Óz kezeginde mınıstr Jumyspen qamtý ortalyǵy qyzmetkerleriniń nazaryn QR Prezıdentiniń Qazaqstan halqyna Joldaýynda aıtylǵan kópbalaly jáne tabysy az otbasylardy kásipkerlikke tartý jónindegi tapsyrmasyn iske asyrýǵa aýdardy.

«Memleket basshysynyń Joldaýynda áleýmettik aspektilerge – eń aldymen kópbalaly jáne tabysy az otbasylarǵa otbasylyq bıznes ashýǵa basa nazar aýdara otyryp, bıznesti qoldaýdyń jańa nysandaryn belsendi túrde engizý qajettiligin belgilep ótti. Sondyqtan jumyspen qamtý ortalyǵynyń qyzmetkerleri osy otbasylardyń eńbekke qabiletti múshelerin nátıjeli jumysqa tartýǵa erekshe nazar aýdarýy kerek, ol úshin granttar men mıkrokredıtter berýdi qarastyratyn «Eńbek» memlekettik baǵdarlamasynyń quraldaryn belsendi paıdalaný qajet», – dedi ol.

Aıta ketsek, Birjan Nurymbetovtiń kezdesýi Qazaqstan Respýblıkasy Premer-Mınıstriniń orynbasary Berdibek Saparbaevtyń Pavlodar oblysyna jumys sapary aıasyndaǵy sharalardyń biri.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT