Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 384.87 EUR 432.52
RUB 6.11 CNY 55.95
Jańalyqtar

Eńbek Eri Quralaı Báımenova 20 jyldyq jumysyn qorytyndylady

2019 jylǵy 16 maýsym 13:57 860
Bólisińiz:
Eńbek Eri Quralaı Báımenova 20 jyldyq jumysyn qorytyndylady

AQTÓBE. QazAqparat - Aqtóbe qalalyq sal aýrýyna shaldyqqan azamattardy qoldaý ortalyǵyna 20 jyl toldy. Arbada otyryp, turmys quryp, balaly bolǵan, sporttyq jetistikterge jetkender jáne janashyrlar, eriktiler óz quttyqtaýlaryn arnady, dep habarlaıdy QazAqparat tilshisi.

20 jyldyń jetistigi 

Qazaqstannyń Eńbek Eri Quralaı Báımenova osydan 20 jyl buryn múmkindigi shekteýli azamattardyń basyn biriktirip, jergilikti bılikke, Úkimetke olardyń ortaq usynysyn jetkize bildi. Sodan beri Aqtóbe qalasynda múgedekterge arnalǵan eki kópqabatty turǵyn úı salynyp, ınvataksı iske qosyldy. Pandýstar talapqa saı salynyp, múmkindigi shekteýli azamattardyń shıpajaılarda em alýyna jaǵdaı jasaldy.

«Qoǵamdyq qozǵalysqa úles qosqan barlyq azamattarǵa alǵys aıtamyn. Qıyn-qystaý jyldary biz jylap, mıtıngke shyǵyp, shaǵym aıtyp, kóteriletin edik. Biraq biz bul joldy tańdaǵan joqpyz. Myqty, aqyldy, dana, adamgershiligi mol, biraq densaýlyǵy syr bergen adamdar birikti. 1997 jyly, biz, oıy bir adamdar «biz úı salamyz, jaqsy arbamen júremiz, jaqsy ómir súremiz» dep urandatyp, búgin maqsatymyzǵa jetip otyrmyz», - dedi Qazaqstannyń Eńbek Eri Quralaı Báımenova.

Ortalyqty qurýshylar arasynda Temirbek Mataev, Gúlnar Jánibekova, Shámshádın Tóreǵalıev, Marǵulan Jetesov, Leıla Saǵalova, Kenjebek Jánibekuly, Vıktorııa Kvasha sekildi onǵa jýyq adam bar.

«Jaqsy ómir súrsem, otbasymdy ózgelermen teń dárejede asyrasam, balalarymdy jetkizsem, úıim bolsa degen tátti úmit boldy. Sol 20 jyl ótti. Bizdiń qatarymyzda qazir 1 200-den astam adam bar. Qoldaǵandardyń bárine alǵys aıtamyn», - dedi І top múgedegi Aqtóbe qalalyq sal aýrýyna shaldyqqan azamattardyń qoldaý ortalyǵynyń múshesi Temirbek Mataev.

Jıynǵa qatysqan oblys ákimi Ońdasyn Orazalın Aqtóbe qalalyq sal aýrýyna shaldyqqan azamattardyń qoldaý ortalyǵynyń barlyq kompıýterin jańartyp beretinin jetkizdi.

«Osydan 20 jyl buryn pandýsty, ony ne úshin salý kerek ekenin bilmegender boldy. Bul - alǵashqy qadam edi. Qazir qoǵamdyq birlestik aýqymdy jumys atqaryp, búkil elge úlgi bolyp otyr», - dedi óńir basshysy O.Orazalın.

Eńbek Eri Quralaı Báımenova 20 jyldyq jumysyn qorytyndylady 

Arbada otyrsa da ana atandy

Múmkindigi shekteýli qyz-kelinshekter de súıikti jar, qamqor ana bola alady. Talshyn Baısarına, Álııa Saǵyndyqova, Aıman Bısenova, Qarlyǵash Esentaeva, Janar Janádilova, Gúlnar Jánibekova, Symbat Nyǵmetova sekildi analar sahnaǵa shyǵyp, óz ómir joldaryn aıtyp berdi.

«Bári de KamAZ qaǵyp, arbaǵa tańylǵan soń bastalǵan edi. Sodan beri qoǵamdyq birlestik 20 jyl boıy múgedek ana retinde statýsymyzdy kóterip keledi. Bizdiń basymyzdaǵy problema ózgelerden artyq bolmasa, kem emes. Biraq sal aýrýlar qoǵamy bizge úlken tárbıe berip keledi. Múgedektikti minezben, rýhpen jeńýdi úıretti. Árqashan týra jolǵa saldy, másele bolsa sheshýge kómek berdi. Men shetelde, Qazaqstanda da em aldym. Joldasym jeke kómekshim, ulym erkelep, er jetip keledi. Ózim arbada otyrsam da horda án, sán kórsetetin top model de boldym. Múgedek ana retinde qoǵamdyq qordyń qoldaýyn sezinip kelemin. Arbada otyrǵan kezdi eshbir ananyń basyna bermesin, eshbir bala ana qasiretin kórmesi dep tileımin», - dedi І top múgedegi Venera Sultanova.

Sportshylardan bes usynys

«Bizdiń bes usynymyzmyz bar. Birinshiden, múmkindigi shekteýli sportshylardy qoldaý, yntalandyrý. Ekinshiden, múmkindigi shekteýli azamattarǵa arnalǵan sport kesheniniń qurylysyn jedeldetý, úshinshiden arbaǵa tańylǵan sportshylardy tasymaldaý úshin shaǵyn avtobýs suraımyz», - dedi sportshy Shahan Joldasbaev. Sonymen qatar Arbadaǵy bı, paýerlıftıng, voleıbol, jeńil atletıka sekildi sporttyń birneshe túrinen jattyqtyrýshylardy arttyrýdy jáne qajetti sporttyq qural-jabdyqtarmen qamtamasyz etýdi usyndy.

Shahan Joldasbaev Aqtóbe qalalyq sal aýrýyna shaldyqqan azamattardy qoldaý ortalyǵynyń 20 jyldyǵyna oraı Quralaı Báımenova men oblys ákimi Ońdasyn Orazalınge «Aqtóbe oblysynyń qurmetti sportshysy» medalin tabys etti.

Aqtóbede múmkindigi shekteýli jandar arasynda Qazaqstannyń 38 sport sheberi bar. Al sport klýby 5 jyl buryn quryldy. Ony Aqtóbe oblysynyń ákimdigi men Aqtóbe qalalyq sal aýrýyna shaldyqqan azamattardy qoldaý ortalyǵy qoldap otyr.

Eńbek Eri Quralaı Báımenova 20 jyldyq jumysyn qorytyndylady 

Plastıkalyq ota jasaıtyn ortalyq qajet

Amanjol Álimov 2008 jyly qurylysta júrip, beton qabyrǵasynyń astynda qaldy. Sol kúnnen beri eki aıaǵy jansyz, qozǵalmaıdy. Ári jambasyna oıyq jara shyqty. Ýaqyt óte kele ekinshi jambasy zaqymdandy.

«Men úshin Almatydan arnaıy dáriger kelip, ota jasaldy. Ota sátti ótip, arbaǵa otyrýǵa múmkindik aldym. Usynysym bar, bizge plastıkalyq ota ortalyǵy kerek», - dedi Amanjol Álimov.

Dál osyndaı plastıkalyq ota Ulan Abdýlǵazınge de jasalǵan. Ol endi ústel tennısin oınaı alady.

«Arbada otyrǵannyń tósekke tańylatyn kúni de bolady. Sol kezde bizge erik-jiger, senim syılaǵan qoǵamdyq birlestik boldy. Ózim ústel tennısimen shuǵyldanyp, Paralımpıada oıyndarynyń kúmis júldegeri bolǵan edim. Dert meńdegen kezde tósekte jattym. Quralaı Bazarbaıqyzynyń kómegimen neırohırýrg te shaqyrylyp, plastıkalyq ota jasaldy. Nátıjesinde arbaǵa otyrýǵa múmkindik aldym», - dedi І top múgedegi Ulan Abdýlǵazın.

Aıta keteıik, «Aqtóbe qalalyq sal aýrýyna shaldyqqan azamattardy qoldaý ortalyǵy» qoǵamdyq birlestigi arbaǵa tańylǵan adamdarǵa júıeli qoldaý kórsetip keledi. Múgedekterdi ońaltý, «D.A.R» eriktiler toby, áleýmettik qyzmet bólimi men qoǵamdyq qabyldaý júrgiziledi. Arbalardy jóndeý, tigin tsehy qarastyrylǵan. Sonymen qatar, 2005 jyly ınvataksı qyzmeti iske qosyldy. Qazir Aqtóbe oblysynyń eki aýdanynda ınvataksı jumys istep tur. Bala kezden ómirge beıimdelýdi úırengenderi qoǵam aldynda ózin-ózi ustaý, mádenı sharalarǵa belsendi aralasýdy bildi, úırendi. Qazir 17 adam óz isin bastap, orta arnaýly, joǵary bilim aldy. Aqtóbe qalasynda múgedekterge arnalǵan eki kópqabatty úı salyndy. Qazir 73 otbasy turyp jatyr. Al báriniń qoldaýshysy atanǵan Quralaı Báımenova 2001 jyly «Qurmet» ordenin aldy.

Keıin Elbasy Quralaı Báımenovaǵa Qazaqstannyń Eńbek Eri ataǵyn berdi. 

Eńbek Eri Quralaı Báımenova 20 jyldyq jumysyn qorytyndylady 
Eńbek Eri Quralaı Báımenova 20 jyldyq jumysyn qorytyndylady 
Eńbek Eri Quralaı Báımenova 20 jyldyq jumysyn qorytyndylady 

Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT