+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Eńbek erejelerin buzǵan 610 laýazymdy tulǵa jumystan bosatyldy

2020 jylǵy 20 qańtar 14:07
Bólisińiz:
Eńbek erejelerin buzǵan 610 laýazymdy tulǵa jumystan bosatyldy

NUR-SULTAN. QazAqparat – Byltyr jumys berýshilerge eńbek qaýipsizdigi salasynda 25,6 mln teńgege 203 ákimshilik aıyppul salyndy, dep habarlaıdy QazAqparat.

Uqsas jańalyqtar
Zııandy eńbek jaǵdaıynda jumys istegender ótemaqy alady

«2019 jyly memlekettik eńbek ınspektorlary 9 536 tekserý júrgizip, 2 366 buzýshylyq anyqtaldy. Jumys berýshilerge eńbek qaýipsizdigi jáne eńbekti qorǵaý salasyndaǵy buzýshylyqtardy joıý týraly 480 uıǵarym berilip, 25,6 mln teńgege 203 ákimshilik aıyppul salyndy. Zańdy jáne jeke tulǵalardyń eńbek qaýipsizdigi men eńbekti qorǵaý máseleleri boıynsha 879 ótinishi qaraldy, óndiristegi jazataıym oqıǵalarǵa 1 276 arnaıy tekserý júrgizildi», - delingen Eńbek jáne halyqty áleýmettik qorǵaý mınıstrligi málimetinde.

Memlekettik eńbek ınspektorlarynyń ótinishi boıynsha jumys berýshiler qaýipsizdik pen eńbekti qorǵaý erejelerin buzǵany úshin kináli 610 laýazymdy adamdy jumystan bosatty. Qyzmetkerlerdiń ómiri men densaýlyǵyna naqty qaýip tónýine baılanysty 13 jabdyq, 2 óndiristik nysannyń jáne 7 uıymnyń qyzmetine tyıym salyndy.

Atap aıtqanda, 1 242 is quqyq qorǵaý organdaryna berildi, olar boıynsha 207 qylmystyq is qozǵaldy.

«Memlekettik organdar men jumys berýshiler qabyldaǵan eńbekti qorǵaý salasyndaǵy keshendi sharalar óndiristik jaraqattanýdy tómendetý boıynsha oń dınamıkany saqtaýǵa múmkindik berdi. Eńbek jaǵdaılary zııandy jumys oryndarynyń sanyn qysqartý úshin 2019 jyly 2 187 óndiristik nysan attestattaldy. Respýblıka kásiporyndarynda 14 792 óndiristik keńes quryldy jáne jumys isteıdi, olardyń mindetterine óndiristik jaraqattanýdyń aldyn alý, sondaı-aq jumys oryndaryndaǵy eńbek jaǵdaıyna tekserý júrgizýdi uıymdastyrý kiredi», - dep atalyp ótken vedomstvo habarlamasynda.

Budan buryn habarlanǵandaı, 2019 jyldyń qorytyndysy boıynsha respýblıka kásiporyndarynda 1 257 jazataıym oqıǵa boldy, sonyń saldarynan 1 430 adam zardap shekti.

Bul 2018 jylǵy kórsetkishten 8,8 paıyzǵaǵa tómen.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT