+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

«Eńbek» baǵdarlamasynyń júzege asyrylýyna kim jaýapty

2020 jylǵy 24 qyrkúıek 10:51
Bólisińiz:
«Eńbek» baǵdarlamasynyń júzege asyrylýyna kim jaýapty

NUR-SULTAN. QazAqparat - «Eńbek» memlekettik baǵdarlamasynyń arqasynda 2017 jyldan beri 1 mıllıonǵa jýyq adam jumysqa ornalasty. Bul týraly QR Eńbek jáne halyqty áleýmettik qorǵaý mınıstri Birjan Nurymbetov aıtty, dep habarlaıdy QazAqparat tilshisi.

Uqsas jańalyqtar
Qazaqstan kommýnısteri jastardy jumyspen qamtý máselesin qozǵady Jumyspen qamtýdyń jol kartasy: 200 myńǵa jýyq adam jumysqa ornalasty «Eńbek» baǵdarlamasy: Elordada 200-den astam adam qaıta oqytyldy

«Búgingi koronavırýs indeti jáne onyń saldarynan ekonomıkada oryn alyp otyrǵan jaǵdaıda halyqtyń tabysyn qamtamasyz etý úshin jumyspen qamtý jáne jańa jumys oryndaryn qurý máselesi asa mańyzdy. «Eńbek» memlekettik baǵdarlamasy jańa jumys oryndardy ashýdy qoldaı otyryp, jumysssyz jáne óz betinshe jumyspen qamtylǵan azamattardyń eńbekpen qamtylýyna jaǵdaı jasaıdy. Baǵdarlamaǵa 2017 jyldan bastap 2 mln-nan astam adam qatysqan. Onyń ishinde bıyl 430 myń adam qatysyp otyr. 956 myń adamǵa birden bos oryndarǵa jumysqa turýǵa kómek kórsetsek, 1 mln-nan astam adamǵa jumyspen qamtýdyń belsendi sharalary usynylǵan. 395 myń adam ártúrli oqýmen qamtylyp, 111 myń adam jeńildetilgen shaǵyn nesıe men granttar arqyly kásipkerlikti damytýǵa qoldaý aldy. Olar óz kezeginde 42 myń jańa jumys ornyn ashty. 600 myńǵa jýyq adam sýbsıdııalanatyn jumys oryndary arqyly jumyspen qamtyldy. Belsendi sharalar kórsetilgennen keıin 269 myń adam turaqty jumysqa ornalasqanyn da atap ótken jón», - dedi mınıstr Májilistegi Úkimet saǵatynda.

Onyń aıtýynsha, 2017 jyldan bastap baǵdarlama baǵyttaryn teńgerimdi qarjylandyrý jolymen 4 jylǵa 540 mlrd teńge bólingen. Onyń ishinde 160 mlrd teńgesi - jergilikti bıýdjetterdiń úlesine tıesili. Baǵdarlamanyń qarjylandyrylýynda da turaqty jumys oryndaryn quratyn kásipkerlik sektoryna basym nazar aýdarylǵan.

Bıyl daǵdarysqa qatysty qosymsha bólingen 50 mlrd teńge esebinen jastar tájirıbesi, qoǵamdyq jumys jáne grantqa arnalǵan shyǵyndar ulǵaıǵan.

«Baǵdarlamada ony iske asyrý jáne qarjylandyrý jaǵynan jaýapkershilik naqty bólingenin atap ótkim keledi. Bıýdjettik ákimshi retinde qarajattyń 52 paıyzyna bizdiń mınıstrlik jaýapty. Kredıt berý jaǵynan jaýapkershiliktiń 25 paıyzy - Aýyl sharýashylyǵy mınıstrligine, 5 paıyzy - Ulttyq ekonomıka mınıstrligine júkteledi. 13 paıyzy - Bilim jáne ǵylym mınıstrligine jáne 5 paıyzy - Indýstrııa jáne ınfraqurylymdyq damý mınıstrligine tıesili», - dedi Birjan Nurymbetov.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT