+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

«Eńbek» baǵdarlamasy: Granttar somasy 1 mln teńgege deıin ulǵaıtylýy múmkin

2020 jylǵy 22 aqpan 11:22
Bólisińiz:
«Eńbek» baǵdarlamasy: Granttar somasy 1 mln teńgege deıin ulǵaıtylýy múmkin

NUR-SULTAN. QazAqparat – «Eńbek» baǵdarlamasy aıasynda beriletin granttar somasy 1 mln teńgege deıin ulǵaıtylýy múmkin.

Bul jaıynda QR Premer-Mınıstriniń orynbasary Eraly Toǵjanovtyń Májilis depýtattarynyń saýalyna bergen jaýabynda aıtylǵan, dep habarlaıdy QazAqparat tilshisi.

Asqar Mamınniń atap ótýinshe, el Úkimeti Nátıjeli jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan «Eńbek» memlekettik baǵdarlamasy aıasynda beriletin granttardyń somasyn 1 mln teńgege deıin ulǵaıtý múmkindigin qarastyryp jatyr.

«Qazirgi ýaqytta onyń ataýlylyǵyn qamtamasyz etý jáne qajettilikti aıqyndaý úshin mundaı granttarǵa úmitkerler tulǵalardyń naqty sanattaryn belgileý boıynsha másele qarastyrylyp jatyr. Bul rette 2020-2021 jyldarǵa arnalǵan bıýdjettiń qalyptastyrylyp qoıǵanyn eskere otyryp, qarjylandyrý kólemin ulǵaıtý máselesi memlekettik granttardy tóleýge arnalǵan óńirlerdiń qajettiligin eskerý arqyly respýblıkalyq bıýdjetti naqtylaý barysynda qarastyrylady», - dedi Úkimet basshysy.

Aıta keteıik, Nátıjeli jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan «Eńbek» memlekettik baǵdarlamasy aıasynda jańa bıznes-ıdeıalardy iske asyrýǵa arnalǵan memlekettik granttar 200 eselengen aılyq eseptik kórsetkishke (505 myń teńge) deıingi mólsherde beriledi. Jańa bıznes-ıdeıalardy iske asyrýǵa arnalǵan memlekettik granttar qarajaty qajetti múkámmaldy, eńbek quraldaryn, tehnologııalyq jabdyqtardy, janýarlardy, maldy, qustardy satyp alý úshin nysanaly maqsatta paıdalanylady.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT