+7 (701) 759 90 19
USD 429.75 EUR 507.45
RUB 5.61 CNY 63.93
Jańalyqtar

Eńbegimniń jemisin kórip kelemin – atyraýlyq slesar Rashıd Alashbaev

2020 jylǵy 27 qyrkúıek 12:40
Bólisińiz:
Eńbegimniń jemisin kórip kelemin – atyraýlyq slesar Rashıd Alashbaev

ATYRAÝ. QazAqparat – Jyl saıyn qyrkúıektiń sońǵy jeksenbisinde «Atyraýneftemash»JShS-niń joǵary sanatty slesary Rashıd Alashbaev pen onyń áriptesteri eki merekeniatap ótedi. Onyń biri – Eńbek kúni bolsa, ekinshisi – Mashına jasaýshy kúni. «Bıyl dálosy kásiporynda eńbek etkenime 33 jol toldy. Buryn aldyńǵy býyndaǵy aǵa tolqynnankóp nárseni úırengen bolsam, qazir ózim de solardyń qataryna qosyldym. Eńbegimniń jemisin kórip kelemin»,- deıdi «Qurmetti mashına jasaýshy» tólbelgisiniń ıegeri Rashıd Alashbaev.

Uqsas jańalyqtar

El ishinde kóp elene bermeıtin qatardaǵy mamandyqtyń biri –slesar. Bul mamandyqty

meńgerý ońaı emes. Degenmen, Rashıd Alashbaev slesar mamandyǵyn tańdaǵanyn ár kez

maqtan tutady. Osydan 35 jyl buryn Mahambet aýdanyndaǵy Alǵa orta mektebin bitirgeli beri ózi tańdaǵan mamandyǵyna adaldyǵynan aınymaı keledi. Adaldyq degennen shyǵady, bıyl alǵashqy eńbek joly bastaý alǵan kásiporynda taban aýdarmastan eńbek etkenine 33 jyl toldy. Naqtylaı aıtqanda, 1985 jyly burynǵy Petrovskıı atyndaǵy mashına jasaý zaýytyna alǵashynda slesardyń úırenýshisi bolyp jumysqa ornalasqan.

Osy kásiporynda bir jyl eńbek etip, áskerı boryshyn óteýge attanǵan. «Eńbek kitapshańdy osynda qaldyra ber, keıin jumysyńa qaıta oralarsyń», depti zaýyttyń sol

kezdegi dırektory, táýelsizdiktiń alǵashqy jyldarynda Atyraý oblys ákiminiń laýazymyn

atqarǵan Saǵat Túgelbaev. Aıtqandaı, Rashıd eki jyldyq áskerı boryshyn ótegen soń, eńbek joly bastalǵan zaýytqa qaıta oraldy.


Elimiz táýelsizdigin alǵan tusta ol eńbek etetin zaýyttyń aty da, zaty da ózgerdi. Qazir bul kásiporyn «Atyraýneftemash» JShS ataýyn ıelengen. Zaman talabyna oraı burynǵy zaýyttyń qural-jabdyǵy tolyǵymen jańarǵan. Byltyr ashylǵanyna 100 jyl tolǵan baıyrǵy kásiporynda otandyq ekonomıkanyń jetekshi salasyna aınalǵan munaı-gaz

ónerkásibi úshin, sonyń ishinde, uńǵymalardy jóndeý, munaı óndirý men jınaqtaý jáne

óńdeý sektoryna qajetti eń kúrdeli qondyrǵylar shyǵarylady. Tipti, qurylys ındýstrııasy men jylý-energetıkalyq salalary da osy kásiporynnyń ónimin tutynýǵa bet burdy. Qazir atalǵan kásiporynda mehanıka tsehynyń slesari Rashıd Alashbaevpen birge 300-ge jýyq astam otandyq maman turaqty jumyspen qamtylyp otyr. Zaýyttaǵy ár maman óz isin jaýapkershilikpen atqarady.


«Óz isimizge jaýapkershilikpen qaraýymyzdyń birneshe sebebi bar. Bizde birinshiden, osy zamanǵy jańa tehnologııa, eýropalyq standart engizildi. Bul ónimniń sapasyn arttyrýǵa,

ekinshiden, tutynýshy tarapynan suranystyń artýyna yqpal etetinin túsinemiz. Óıtkeni,

bizdiń kásiporynda údemeli ındýstrııalyq-ınnovatsııalyq damý baǵdarlamasymen iri gabarıtti ári eń aýyr, ıaǵnı salmaǵy 1000 tonnadan asatyn qondyrǵylar men reaktorlardy shyǵarý tsehy iske qosyldy. Dál osy tsehta ýaqytta dıametri 9 metrdi, al uzyndyǵy 110 metrdi quraıtyn iri kolonnalar qurastyrylady. Elbasy Nursultan Nazarbaev Atyraýǵa kelgen sapary kezinde bizdiń kásiporynǵa kelip, jańa tsehtyń jumysymen keńirek tanysty. Sol sátte Elbasymen amandasyp, suhbattasý múmkindigine ıe boldym», -deıdi ol.

Rashıd Alashbaev konstrýktorlar syzyp bergen keskindemeniń kóshirmesin metaldan daıyndaıdy. Árıne, ońaı emes. Ár keskindemeniń júzdikpen, mıllımetrmen ólshenetin tustary bar. Óte dáldikti qajet etetindikten qatelesýge bolmaıtynyn túsinedi. Qatelesip te kórmepti, sonyń jemisi – joǵary sanatty slesar atanýy. Al, 2016 jyly QR

Indýstrııa jáne ınfraqurylymdyq damý mınıstrliginiń «Qurmetti mashına jasaýshy»

tósbelgisine ıe bolǵan.


Onyń aıtýynsha, memlekettiń qoldaýy baıyrǵy kásiporynnyń keleshegin keńeıtipti.

Kásiporynǵa 2016 jyly «Altyn sapa» syılyǵy berildi. Qosymsha syrlaý, ystyqtaı myryshtaý tsehtary ashylǵan. «Atyraýneftemash» JShS budan 4-5 jyl buryn «Marubeni» (Japonııa) jáne «Sinopec» (Qytaı) kompanııalarymen 1,6 mlrd. teńgeniń kelisimsharty jasalǵan edi. Qazir «Teńizshevroıl», «Kazstroıservıs» sekildi iri kompanııalardyń tapsyrysyn oryndaıdy. Bul kásiporynǵa Reseı kompanııalary da tapsyrys berip otyr.

«Biz memlekettiń kásipornymyzdy qoldaýynyń jemisin kórdik. Qazir elimizdiń jarqyn keleshegi úshin eńbek etip júrmiz. Óıtkeni, bizdiń Otanymyz – táýelsiz Qazaqstan ekonomıkalyq órkendeý qarqynyn báseńdetken emes. Buǵan álemdegi qarjylyq daǵdarys ta, pandemııa da áser ete qoımaıdy. Bulaı deýime elimizdiń tek TMD, tipti Azııa elderiniń ǵana emes, sonymen birge, jahan memleketteri arasynda laıyqty ornyn ıelengeni dálel bola alady», - deıdi Rashıd Alashbaev.

Kásiporyn koronavırýs ınfektsııasy órshigen kezde de jumysyn toqtatqan joq. Biraq, bastapqyda jumys kestesine azdaǵan ózgeris engizilipti. Al, qazir qalypty rjımde jumysyn jalǵastyrýda. Slesardan osy kásiporynda taban aýdarmaı jumys isteýiniń sebebin suraǵan edik.

«Meni de sheteldiktermen birlesken kásiporyndar jumysqa shaqyrǵanyn jasyrmaımyn.

Biraq, barlyq usynystan bas tarttym. Sebebi, bul kásiporyn men úshin ystyq qoı.

Óıtkeni, osynda 17 jasymda eńbek jolymdy bastadym. Osynda Borıs Belkın, Qýandyq

Erǵalıev sekildi ustazdarymnan slesarlyq mamandyqqa mashyqtandym. Sol ustazdarymnyń jolyn jalǵastyrýdy kózdedim. Men óz Otanymdy ǵana súıemin. Demek, tek otandyq kásiporynda jumys istep, el ekonomıkasyn órkendetýge atsalysyp kelemin», -deıdi maman.



Bizdiń kanalymyzǵa jazylyńyz:

Bólisińiz:

Avtor:

Bek Mustafa

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT