+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Eń jas ekobelsendi: Eshkim sýdy tıimdi paıdalanyp jatqan joq

2020 jylǵy 11 shilde 15:44
Bólisińiz:
Eń jas ekobelsendi: Eshkim sýdy tıimdi paıdalanyp jatqan joq

NUR-SULTAN. QazAqparat - Bala jastan ekologııalyq tárbıeni boıǵa sińirý qajet. Elimizdegi eń jas ekobelsendilerdiń biri Arýjan Saharııanova Memleket basshysy Qasym-Jomart Toqaevtyń elimizdegi ekologııalyq máseleni jolǵa qoıýdyń mańyzy týraly bastamasyna pikir bildirdi, dep habarlaıdy QazAqparat Baq.kz-ke silteme jasap.

Uqsas jańalyqtar
Kishi Almaty ózeniniń kaskadtary nege alynǵan ákimdik túsindirdi Atyraý munaı óńdeý zaýytyna jospardan tys tekserý júrgiziledi Qazaqstanda aýany lastaýshy negizgi faktorlar - kúkirtsýtek, shań jáne qara kúıe

«Menińshe, kóptegen balada ekologııa týraly uǵym qalyptaspaǵan, ekologııalyq jaǵdaıdy qalaı túzetýge bolatyny, plastıktiń qorshaǵan ortaǵa tıgizer zııany týraly bilmeıdi», - deıdi ol.

Arýjan elordadaǵy joǵary synyp oqýshysy. Birneshe jyldan beri óz qatarlastary men eresekterdiń arasynda mınımalızm ıdeıasyn jáne batys elderinde tanymal Zeri waste aǵymyn nasıhattap júr. Ol «nól qaldyq» degen maǵyna beredi, ıaǵnı bul árbirimiz shyǵaratyn qoqys kólemin azaıtý degen sóz. Onyń ózi bul jolda ózgelerge úlgi kórsetýde. Qazaqstandyq mektep oqýshysyn tipti batys elderinde úkimettiń aldynda ekologııa problemasyn belsendi túrde kóterip júrgen 16 jastaǵy shvedtik Greta Týnbergpen salystyrady.

«Men kóptegen jasóspirimniń óz qurbylaryn ekologııa máselesine oqytý jónindegi jobalardy qolǵa ala bastaǵanyn baıqadym. Mekteptegi bul pán basqalarǵa da oı salyp, is-áreketti ózinen bastaýǵa, óz ómirin «eco-friendly«, ıaǵnı eko-nıetti etýge yntalandyrady. Qaldyqtar máselesine kelsek, Qazaqstandaǵy polıgondarda olar taý bop úıilip jatyr. Óıtkeni halyq bul máselege selqos qaraıdy. Eger biz qaldyqtardy qalaı durys óńdeý kerektigin, máselen, qala syrtyna shyqqanda, tabıǵatpen qarym-qatynas mádenıetin birtindep úıretetin bolsaq, onda qaldyqtar azaıǵan bolar edi. Jurtshylyq bul iske belsene qatysyp, qorshaǵan ortaǵa aıaly kózqaraspen qaraýdy ózinen bastaýy kerek», - deıdi Arýjan Saharııanova .

Ol túrli salada sýdy únemdi paıdalanyp jatqan eshkim joq degen pikirde.

«Óńirlerdiń barlyǵy birdeı taza aýyzsýmen qamtylmaǵan. Biz ındýstrııalyq protsesterdiń adam densaýlyǵyna áseri bar ekenin oılaýǵa tıispiz. Ekologııa baǵdarlamasyn, sonymen qatar, tabıǵı resýrstardy, onyń ishinde sýdy tıimdi ári únemdi paıdalanýdyń mańyzdylyǵy týraly aqparatpen tolyqtyryp, balalarǵa ózimiz úlgi kórsetkenimiz jón degen oıdamyn», - deıdi Arýjan.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT