Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.34 EUR 427.25
RUB 5.88 CNY 54.57
Jańalyqtar

Eń kúshti magnıttik daýyl bıyl shilde aıynda baıqalady

2019 jylǵy 17 shilde 10:25 5037
Bólisińiz:
Eń kúshti magnıttik daýyl bıyl shilde aıynda baıqalady

ALMATY. QazAqparat – Sońǵy on jyldaǵy eń kúshti magnıttik daýyl bıyl shilde aıynda baıqalady. Bul tabıǵı qubylys adamdardyń densaýlyǵyna áser etýi múmkin. Osyǵan baılanysty, dárigerleri turǵyndarǵa barynsha saq bolýdy eskertti, dep habarlaıdy QazAqparat tilshisi.

Magnıttik daýyl kezinde adam álsireıdi. Ásirese, qart kisilerdiń densaýlyǵy syr beredi. Aıaǵy aýyr kelinshekter men balalar úshin de qaýpti. Magnıttik daýyl qubylysy kezinde kún qatty ysıdy.

Bul kezde adamdardyń basy aınalyp, júregi aınyp, tamaqqa tábeti bolmaı, uıqysy keledi.

«Magnıttik daýyl eń aldymen adamnyń ortalyq júıke júıesine jáne júrek-qan tamyrlaryna salmaq túsiredi. Infarkt, ınsýlt, gıpertonııalyq kúrt asqyný jáne t.b. aýrýlardy qozdyrady. Bul kúnder sozylmaly júrek-qan tamyrlar aýrýlary men ókpe patologııasy bar adamdar úshin qıyndyq týǵyzady. Tipti, meteo jaǵdaıda táýeldi emes adamdardyń da júregi aınyp, qaltyraıdy»,-deıdi Almaty qalalyq № 7 klınıkalyq aýrýhanasynyń dárigeri Aıdana Lepesova.

Sondaı-aq, magnıttik daýyl adamdardyń kóńil-kúıine de áser etedi. Eshteńege zaýqy bolmaı, selqostyq pen uıqyshyldyq týdyrady.

«Sozylmaly aýrýlarǵa shaldyqqan adamdar qajetti dárilerin aldyn ala alyp qoıǵany abzal. Tipti, densaýlyǵy jaqsy adamdardyń ózi sý ishý rejımin saqtaý qajet. Kofe men sýsyndardy shóp shaı nemese taza sýǵa aýystyrǵany jón. Spırttik ishimdikten bas tartqan durys»,-deıdi dáriger.

Magnıttik daýyl kúnderi júrek-qan tamyrlar júıesine salmaq túsirmeý úshin tamaqty azyraq jegen durys. Maıly, tuzdy, ay taǵamdardy paıdalanbaǵan abzal.

«Magnıttik daýyl kezinde kóbirek uıyqtaǵan durys. Al, meteosoqqy kúni ashýlanbaýǵa tyrysyp, barlyq sharýany kúnniń birinshi jartysynda atqaryp tastaǵan abzal. Kardıosalmaq túsirýden bas tartý kerek»,-dep keńes berdi Aıdana Lepesova.

Densaýlyqqa salmaq salmaý úshin taza aýada jıi serýendep, jeńil taǵamdarmen tamaqtaný kerek.

Magnıttik daýyl kúniń qatty ysýynan paıda bolyp, ǵarysh arqyly jerge túsedi. Kelesi magnıttik daýyl shildeniń 29 kúni bolýy múmkin.

Alaıda, ǵalymdar jerde magnıttik daýyl aı saıyn ótetindigin aıtady.

Bizdiń kanalymyzǵa jazylyńyz:

Basty sózder: Medıtsına, Ǵarysh,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT