+7 (701) 759 90 19
USD 385.01 EUR 425.78
RUB 6.05 CNY 54.68
Jańalyqtar

Eljan Shynaruly Qytaı quramasyna qabyldandy - Sheteldegi qazaq tildi BAQ-qa sholý

2019 jylǵy 17 tamyz 10:45
Bólisińiz:
Eljan Shynaruly Qytaı quramasyna qabyldandy - Sheteldegi qazaq tildi BAQ-qa sholý

NUR-SULTAN. QazAqparat - «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar
Qazaqstan men Ońtústik Koreıa aqparat agenttikteriniń basshylary yntymaqtastyq perspektıvalaryn belgiledi Túrkistanda jańa jáne dástúrli medıa taqyrybynda forým ótti Elbasy Prezıdent jumysyna aralaspaıdy - Dáýren Abaev eldegi «qos bılik» qaýeseti týraly

Eljan Shynaruly Qytaı quramasyna qabyldandy - Qytaıdyń «Ortalyq halyq radıosy» (CNR)

Eljan Shynaruly fýtboldan 20 jasqa deıingi Qytaı jastar quramasyna shaqyrtý aldy, dep jazady Qytaılyq kazakcnr.com saıty.



Atalǵan derekkózdiń málimetinshe, QHR fýtbol federatsııasy Qytaıdyń U-20 quramasyna shaqyrtý alǵan fýtbolshylardyń tizimin jarııalaǵan. Olardyń qatarynda Qytaı elinde turatyn qandasymyz Eljan Shynarulynyń esimi de atalady. Eljan Qytaı sýperlıgasynda óner kórsetetin «Shenchjen» klýbynda oınaıdy. Ol quramadaǵy úzdik oıynshylardyń biri bolǵan. Al aldaǵy ýaqytta Qytaı jastar quramasy QHR ulttyq quramasynyń oqý-jattyǵý bazasynda bir aı daıyndalyp, Serbııada joldastyq kezdesý ótkizedi. Eljan Shynaruly - 1999 jyly QHR-nyń Altaı aımaǵy, Býryltoǵaı aýdanynda týǵan.



Polıtsııa qyzmetkerleri arasyndaǵy álemdik jarysta Beknur Qalıuly jeńimpaz atandy - kaznews.mn



Qytaıdyń Chendý qalasynda ótip jatqan polıtsııa qyzmetkerleri men órt sóndirýshileri arasyndaǵy Dúnıejúzilik jarysta karateshi Beknur Qalıuly jeńimpaz atandy, dep jazady Mońǵolııanyń KAZNEWS aqparat portaly.

«Bul jarysta Mońǵolııanyń namysyn Baıan-Ólgeı aımaǵynan kelgen Beknur Qalıuly qorǵaǵan bolatyn. Ol karateden ózine qarsylas shaq keltirmeı, jeńistiń bıik tuǵyrynan kórindi. Sonymen qatar Beknur boksta da aýyr salmaqta synǵa túsýde. Ol jartylaı fınalda qytaılyq bylǵary qolǵap sheberin jeńdi. Aıta keteıik, bul jarys tórt jylda bir ret uıymdastyrylady, polıtsııa qyzmetkerleri men órt sóndirýshiler arasyndaǵy olımpıada dep retinde tanylǵan. Atalǵan sporttyq báseke tamyz aıynyń 8-18 kúnderi aralyǵynda Qytaıdyń Chendý qalasynda ótip jatyr», - dep jazady KAZNEWS.

Qazaqtyń kórkem jazý sheberleri Beıjińdegi «Qusnıhat» kórmesine qatysty - «Jenmın jıbao» (People Daily)



Beıjińdegi Ulttar mádenıet saraıynda Qytaıdaǵy túrli ult ókilderiniń Qusnıhat týyndylary men tarıhı qujattar kórmesi ótti, dep habarlaıdy kazakh.people.com.cn saıty.

«Óner kórmesine qytaı, qazaq mońǵol, tıbet, uıǵyr, koreı sekildi 51 ulttyń jazýyndaǵy, 200-den astam «Qusnıhat» týyndysy men 100-den astam tarıhı qujat (kitap, jýrnal, gazet) qoıylǵan. Atalǵan sharaǵa 96 qusnıhatshy men ónertanýshy maman qatysty. Kórmege qoıylǵan ártúrli ulttardyń tól jazýymen qaǵazǵa bederlengen «Qusnıhat» týyndylary ásemdigimen, aıshyqty sheberligimen, sózderiniń mándi, mazmundy qundylyǵymen erekshelendi. Atalǵan sharanyń maqsaty Qytaıda qonystanǵan ulttardyń kórkem jazý mádenıetin, óner ıeleriniń sheberligin nasıhattaý», - dep jazady People Daily.





Esterińizge sala keteıik, «Qusnıhat» (kórkem jazý óneri) - «sulýlyq, ádemilik, kórkemdik» degen maǵynany beretin arab tilindegi «husn» sózinen shyqqan. Bul óner qytaı qazaqtary arasynda keń qanat jaıǵan. Ondaǵy qandastarymyzdyń ortasynda Ahmet Baıtursynulynyń tóte jazý álippesi negizinde ár túrli naqyl, ǵaqlııa jáne basqa sózderdi kórkemdep jazý dástúri qalyptasqan.

Darhan Satybaldy Abaı óleńderin oqý estafetasyn jalǵastyrdy - «ÓzA» aqparattyq agenttigi



Qazaqstan Respýblıkasynyń Ózbekstandaǵy Tótenshe jáne ókiletti elshisi Darhan Amangeldiuly qazaqtyń uly aqyny Abaı Qunanbaıulynyń 175 jyldyq mereıtoıyna oraı uıymdastyrylǵan chelendjdi qoldap, ózine joldanǵan estafetany Abaıdyń «Nurly aspanǵa tyrysyp óskensiń sen» atty óleńimen jalǵastyrdy, dep habarlaıdy Ózbekstannyń «ÓzA» memlekettik aqparat agenttigi.

«Darhan Amangeldiuly estafetany Ózbekstan Respýblıkasynyń Joǵarǵy Májilisi Zań shyǵarýshy palatasynyń tóraǵasy Nýrdınjon Ismoılovtan qabyl alyp, ony Abaıdyń «Nurly aspanǵa tyrysyp óskensiń sen» atty óleń shýmaqtaryn oqyp, osy bastamany odan ármen jalǵastyrý úshin Ózbekstan Jazýshylar odaǵy tóraǵasynyń birinshi orynbasary, kórnekti aqyn Mınhojıddın Hodjımatovqa jáne Qazaqstan Respýblıkasy Parlamenti Senatynyń depýtaty Murat Baqtııarulyna joldady», - dep jazady «ÓzA» aqparat agenttigi.

Qytaıda mońǵol halqynyń «Nadam» merekesi toılandy - «Jenmın jıbao» (People Daily)



Qytaıdyń Іshki Mońǵolııa avtonomııaly ólkesiniń Shınlınǵol aımaǵynda mońǵol halqynyń dástúrli «Sary kúzdegi nadam» merekesi toılandy, dep habarlaıdy kazakh.people.com.cn saıty.





«Sary kúzdegi nadam» merekesi Shınlınǵol aımaǵynyń Ujymchın aýylynda shymyldyǵyn ashty. Bul kezekti «Nadam» jınalysynda mońǵolsha kúres, at báıgesi, sadaq atý jáne ulttyq kıim-keshek kórmesi syndy is-sharalar ótkizildi. Nadam - mońǵol tilinde kóńil ashar nemese oıyn-saýyq degen maǵynany bildiredi. Ár jyly jaz ben kúzde jaılaýdaǵy malshylar mol ónim shattyǵyn toılap, el men jerdiń yrysty, qutty bolýyn tilep bas qosady. Nazarlaryńyzǵa osy merekelik is-shara aıasynda, «Sınhýa» aqparat agenttiginiń tilishisi túsirgen fotoreportajdy usynamyz»,- dep jazady People Daily.



Álemdegi eń jińishke altyn óndirildi - TRT



Ulybrıtanııada álemdegi eń jińishke altyn óndirildi. Altyndy óndirý úshin qoldanylǵan ádister nanomaterıaldarmen jumysta paıdalanylady, dep jazady Túrkııa Radıo Televızııa portaly.

«Phys.org paraqshasynyń habarlaýynsha, Lıds ýnıversıteti ǵalymdary qalyńdyǵy nebári 0.47 nanometr jáne 2 atom ǵana bolatyn, ıaǵnı adam tyrnaǵynan 1 mıllıon ese jińishke altyn óndirdi.

Álemdegi eń jińishke altyn medıtsınada, elektrondyq jáne aqparattyq zattar ónerkásibinde qoldanylady.

Ǵalymdardyń paıymdaýynsha, óte jińishke altyn medıtsınalyq jıhazdar jáne sý tazalaý júıelerinde qoldanylatyn jasandy fermentterdiń negizin qalyptastyrady.

Osy jumys tobynyń jetekshisiniń aıtýyna qaraǵanda qoldanylǵan ádister nanomaterıaldar óndirýde mańyzdy ári tabysty qadam bolǵan. Sý astyndaǵy túsi jasyl jáne túri baldyrǵa uqsaıtyn altynǵa ǵalymdar «altyn baldyr» degen ataý bergen eken», - dep jazady TRT.

Qazaqstan elshisi Iranda ótken Kaspıı teńizi kúnine arnalǵan jınalysqa qatysty - «Fars» aqparat agenttigi



Iranda Kaspıı teńizi kúnine oraı uıymdastyrylǵan jınalysqa osy teńiz mańyndaǵy elder elshileri qatysty, dep habarlaıdy parstoday aqparat agenttigi.

«Kaspıı teńizi kúnine arnalǵan rásim osy teńizdiń qorshaǵan ortasyn saqtaý jáne týrızmdi damytý taqyrybynda teńiz mańyndaǵy elder elshileriniń qatysýymen Irannyń soltústigindegi Mazanderan oblysynyń Bobolsar qalasynda ótti. Qazaqstan elshisi Ashat Orazbaı osy rásimde: «Kaspıı teńizi mańyndaǵy elder osy teńizdiń saıası quqyqtyq jaǵdaıy men qorshaǵan ortasy týraly konventsııalarǵa berik bolýy kerek. Olardy oryndaý asa mańyzdy», dedi», - dep jazady parstoday.



Bizdiń kanalymyzǵa jazylyńyz:

Basty sózder: BAQ,
Bólisińiz:

Avtor:

Baqytjol Kákesh

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT