+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Eljan Birtanovtiń úıqamaqta bolý merzimi taǵy bir aıǵa uzartyldy

2021 jylǵy 9 maýsym 10:07
Bólisińiz:
Eljan Birtanovtiń úıqamaqta bolý merzimi taǵy bir aıǵa uzartyldy

NUR-SULTAN. QazAqparat – Nur-Sultan qalalyq sotynyń qylmystyq ister jónindegi sot alqasy Eljan Birtanovti úıqamaqta ustaý bultartpaý sharasyn kúshinde qaldyrdy, dep habarlaıdy QazAqparat tilshisi.

Keshe ótken otyrysta memlekettik aıyptaýshy sottan burynǵy Densaýlyq saqtaý mınıstri Eljan Birtanovti úıqamaqta ustaý merzimin 14 shildege deıin uzartýdy suraǵan bolatyn. Prokýror Tólegen Jaraspaev kúdikti E.Birtanovti úıqamaqta ustaý merzimin 9 aıǵa deıin, ıaǵnı 2021 jylǵy 14 shildege deıin uzartý týraly ótinishti Qarjy monıtorıngi agenttigi Tergeý departamentiniń basshysy túsirgenin ataı kelip, qosymsha saraptama men Densaýlyq saqtaý mınıstrliginiń qyzmetkerlerinen alynǵan jaýaptardy, Memlekettik aýdıt departamentiniń qorytyndysyn taldaý jumystaryn 14 maýsymǵa deıin aıaqtaý múmkin emes degen ýáj aıtty.

«Osynyń bárin eskerip, úıqamaq merzimin 14 shildege deıin uzartýdy jáne qanaǵattandyrýdy suraımyn», - dedi memlekettik aıyptaýshy.

Sondaı-aq, ol Birtanovqa otbasy múshelerinen basqa barlyq adamdarmen telefon arqyly sóılesýge jáne úıden shyǵýǵa tyıym salý kerektigin aıtty. Bul talabyn tergeý jumystarynyń merzimi 1 tamyzǵa deıin uzartylýymen baılanystyrdy. Prokýrordyń aıtýynsha, kúdikti sottyń tyıymy bar ekenin bile tura, birqatar zańǵa qaıshy áreketterge barǵanyn atady. Biraq sot otyrysyna BAQ ókilderi qatysyp otyrǵanyn eskerip, naqty qandaı áreketter týraly sóz bolyp jatqanyn ashyp aıta almaıtynyn jetkizdi. Onyń sózinshe, bul tergeý áreketterin jarııa etý bolmaq.

Sot protsesi barysynda qorǵaýshylar Eljan Birtanovtiń syrtynan tergeý organynyń ańdý júrgizýi zańdy ekenin rastaıtyn qujat joq ekenin aıtyp, úıqamaq merzimin ári qaraı uzartpaýdy suraǵan bolatyn.

Búgin sot Eljan Birtanovti úıqamaqta ustaý merzimin 9 aıǵa deıin, ıaǵnı 2021 jylǵy 14 maýsymnan 14 shildege deıin uzartatynyn málim etti.

«Baıandalǵan derekterdiń negizinde, Qylmystyq is júrgizý kkodeksiniń 55, 56, 151, 152-baptaryn basshylyqqa ala otyryp, sot Eljan Amantaıuly Birtanovqa qatysty úıqamaq túrindegi bultartpaý sharasynyń merzimin 2021 jylǵy 14 maýsymnan bastap 14 shildeni qosa alǵanda esepteletin 9 aıǵa deıin uzartý týraly qaýly etti. Kúdiktiniń qorǵaýshylary men advokattarynyń ótinishteri qanaǵattandyrýsyz qaldyrylsyn», - dedi tergeý sotynyń sýdıasy Aqmaral Isaeva

ıAǵnı, sot aıyptaýshy taraptyń Birtanovqa otbasy múshelerinen basqa barlyq adamdarmen telefon arqyly sóılesýge jáne úıden shyǵýǵa tyıym salý týraly ótinishin qabyldamady.

Bir aı buryn sot Eljan Birtanovti úıqamaqta ustaý sharasyn kúshinde qaldyrǵan bolatyn.

Eske salsaq, burynǵy Densaýlyq saqtaý mınıstri Eljan Birtanov bıýdjet qarajatyn ysyrap etti degen kúdikpen qamaýǵa alynǵan edi.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT