Eljan Birtanov úıqamaqta taǵy 2 aı otyratyn boldy
2021 jylǵy 12 qarasha 19:13

Eljan Birtanov úıqamaqta taǵy 2 aı otyratyn boldy

NUR-SULTAN. QazAqparat – Burynǵy Densaýlyq saqtaý mınıstri Eljan Birtanovty úıqamaqta ustaý merzimi taǵy bir aıǵa uzartyldy, dep habarlaıdy QazAqparat tilshisi.

«Joǵaryda atalǵandardy nazarǵa ala otyryp, qazirgi bultartpaý sharalaryn ózgertýge negiz bolatyn sebepterdiń joq ekenin eskerip, sot sheshimge keldi. E.Birtanovqa qatysty úıqamaqta merzimin uzartý týraly ótinishi negizdi dep uıǵardy. Osylaısha sot kúdikti E.Birtanovtyń úıqamaqta ustaý merzimin 2 aıǵa deıin uzartý kerek dep esepteıdi. Úıqamaqta ustaý merzimi 2021 jyldyń 14 qarashasynan 2022 jyldyń 14 qańtaryna deıin esepteledi», - dedi Nur-Sultan qalasynyń mamandandyrylǵan aýdanaralyq tergeý sotynyń sýdıasy Aqmaral Isaeva.

Eske salsaq, byltyr burynǵy densaýlyq saqtaý mınıstri Eljan Birtanov qamaýǵa alynǵan bolatyn. Oǵan qatysty asa iri kólemde bıýdjet qarajatyn ysyrap etý faktisi boıynsha qylmystyq is tergelip jatyr.

Buǵan deıin Qarjy monıtorıngi agenttigi burynǵy Densaýlyq saqtaý mınıstri Eljan Birtanovqa qatysty qylmystyq isti tergeý merzimi sozylatyny týraly aqparatty joqqa shyǵarǵan bolatyn.

Bir aı buryn Eljan Birtanovtyń úıqamaqta bolý merzimi 14 qarshaǵa deıin uzartylǵan edi.


Jańalyqtar

MURAǴAT