+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Eljan Birtanov qyrǵyz áriptesterine Qazaqstannyń densaýlyq saqtaý júıesi týraly aıtyp berdi

2019 jylǵy 13 qarasha 12:00
Bólisińiz:
Eljan Birtanov qyrǵyz áriptesterine Qazaqstannyń densaýlyq saqtaý júıesi týraly aıtyp berdi

BІShKEK. QazAqparat – QR Densaýlyq saqtaý mınıstri Eljan Birtanov qyrǵyz áriptesterine Qazaqstannyń densaýlyq saqtaý júıesinde júzege asyrylyp jatqan memlekettik baǵdarlamalar týraly aıtyp berdi, dep habarlaıdy QazAqparat tilshisi.

Uqsas jańalyqtar
Petropavlda 10 myń adamǵa qyzmet kórsetetin otbasylyq densaýlyq ortalyǵy ashyldy Qoǵamdyq densaýlyq saqtaý ınstıtýty áleýmettik mańyzdy jobalardy iske asyrdy Nur-Sultanda árqaısysy 23 mln teńge turatyn 20 jedel járdem kóligi satyp alyndy

Mınıstr Qazaqstannyń tsıfrlandyrý salasyndaǵy jetistikteri men densaýlyq saqtaý salasyndaǵy statıstıkalyq málimetterdiń sapasy jaqsarǵanyn atap ótti. Osylaısha, qańtar aıynan bastap memlekettik medıtsınalyq uıymdar qaǵazsyz medıtsınalyq qujattamaǵa kóship ketken. Qazirdiń ózinde halyqtyń 95 paıyzyna elektrondy densaýlyq pasporty jasalyp, emhanalardaǵy kezek 30 paıyzǵa qysqarǵan.

«Bıylǵy túlekterdiń bólinip, óńirlerge taratylýyna baılanysty alǵashqy medıtsınalyq kómek boıynsha dárigerlerdiń tapshylyǵy 900 adamǵa qysqardy. Jergilikti atqarýshy organdar tarapynan jas kadrlarǵa áleýmettik qoldaý sharalary aıtarlyqtaı kúsheıtilgen. Bıyl Respýblıkalyq komıssııa ár aımaqtyń qajettiligine qaraı 3776 jas dárigerdi óńirlerge jiberdi, onyń ishinde 1819 maman aýylǵa attandy», - dedi Eljan Birtanov.

Mınıstrdiń aıtýynsha, Elbasynyń «Áleýmettik qamqorlyq» sharalaryn iske asyrý aıasynda 1 maýsymnan bastap medıtsına qyzmetkerleriniń jalaqysy 30 paıyzǵa kóterilgen.

Qyrǵyz áriptesteriniń aldynda Eljan Birtanov sondaı-aq, 2018 jyldan bastap respýblıkada dári-dármekpen qamtamasyz etýdiń ortalyqtandyrylǵandyǵyn aıtyp ótti. Mınıstrdiń aıtýynsha, dári-dármekterdi satyp alýdyń ashyqtyǵy qamtamasyz etilip, tegin dári-dármekterdi taratýdyń elektrondy tirkeýi engizilgen. Biryńǵaı baılanys ortalyǵy iske qosylǵan.

Qazaqstanda sonymen qatar dári-dármekterdiń baǵasy rettelip keledi. 2019 jylǵy Biryńǵaı dıstrıbıýtordyń tizimin qalyptastyrý kezinde dári-dármekterdiń baǵasy 40 paıyzǵa deıin tómendedi. Sonymen birge, jalǵan dári-dármekterdi anyqtaý úshin dárilik zattardy tańbalaý boıynsha pılottyq joba iske qosylyp otyr. 2020 jyldan bastap elektrondy retseptter mindetti bola bastaıdy.

Mınıstr qaterli isik aýrýyn baqylaýdyń 2022 jylǵa deıingi keshendi josparynyń oryndalýy týraly da aıtty. Jospardy iske asyrýǵa bólingen 35 mıllıard teńgeden astam qarajattyń 32 mıllıardy aqysyz medıtsınalyq kómekti, onyń ishinde molekýlalyq-genetıkalyq testileýge, radıatsııalyq terapııa jáne pallıatıvti kómekti keńeıtýge baǵyttalǵan. Nur Sultan qalasynda radıatsııalyq jáne protondy terapııaǵa arnalǵan, zamanaýı qondyrǵylarmen jabdyqtalatyn Ulttyq ǵylymı onkologııalyq ortalyq salynýda.

Sóz sońynda Eljan Birtanov mınıstrlik ázirlegen jańa Densaýlyq kodeksiniń jobasy týraly aıta kele onyń qazir Parlamentte qaralyp jatqanyn tilge tıek etti.

«Jańa kodekste azamattardyń qoǵamdyq densaýlyqty qamtamasyz etýdegi birlesken jaýapkershiligin anyqtaýǵa, medıtsına qyzmetkerleriniń mártebesin nyǵaıtýǵa, elektrondy densaýlyq saqtaýdyń zamanaýı aspektilerin anyqtaýǵa baǵyttalǵan birqatar negizgi bólimder qarastyrylǵan», - dedi mınıstr.

Densaýlyq saqtaýdy damytýdyń 2025 jylǵa deıingi memlekettik baǵdarlamasynyń jobasy densaýlyq saqtaý júıesin jetildirýge baǵyttalǵan. Onyń ereksheligi - halyqaralyq densaýlyq saqtaý baǵdarlamalary arqyly balalar men jastardyń densaýlyǵyna nazar aýdarý. Eljan Birtanovtyń aıtýynsha, memlekettik baǵdarlamanyń maqsatty ındıkatorlary qazaqstandyqtardyń ómir súrý uzaqtyǵyn 75 jasqa deıin arttyrýǵa baǵyttalǵan.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT