+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Eljan Birtanov koronavırýstyń taralýyna jol bermeýdiń ádisin atady

2020 jylǵy 27 aqpan 14:38
Bólisińiz:
Eljan Birtanov koronavırýstyń taralýyna jol bermeýdiń ádisin atady

NUR-SULTAN. QazAqparat – Koronavırýstyń taralýyna jol bermeý úshin atalǵan ınfektsııa órship turǵan elderden kelgen adamdar 14 kún boıy eshkimmen aralaspaı, úılerinde otyrýy tıis. Bul jaıynda búgin BAQ ókilderimen kezdesken QR Densaýlyq saqtaý mınıstri Eljan Birtanov aıtty, dep habarlaıdy QazAqparat tilshisi.

Uqsas jańalyqtar
Halyqtyq baqylaý: Shý aýdandyq aýrýhanasyna 2 mln teńgeniń dári-dármegi jetkiziledi Túrkııa Qazaqstanǵa medıtsınalyq quraldar jiberedi Úndi kınosynyń juldyzdary koronavırýs juqtyrdy

«Koronavırýs boıynsha eń birinshi mindet olardyń elge ákelýine jol bermeý boldy. Sondyqtan 6 qańtarda úsh kezeńmen kúsheıtý jumystary júrgizildi. Sol kúni Qazaqstan men Qytaı shekarasynda, 1 aqpannan búkil respýblıka shekarasynda monıtorıng júrgize bastadyq. 20 aqpannan qaýipti elder tizimin ulǵaıttyq. Qytaıdan bólek oǵan birqatar el kirdi. Bizde shekaradan ótken árbir adamǵa qatysty málimetter bazasy bar. Bireýler «teplovızordan ótpedim, saýalnama toltyrmadym», dep jatady. Mundaı biren-saran derek bar. Bul aıta qoıarlyqtaı úlken problema emes», - dedi mınıstr.

Onyń atap ótýinshe, kún saıyn árbir óńir mınıstrlikke esep berip otyrady. Qytaıdan keletin adamdar da turaqty monıtorıngten ótedi. Máselen, osy kúnge deıin Qytaıdan kelgen 24 myń adamnyń jartysy 14 kúndik karantınnen ótkennen keıin monıtorıngten shyǵaryldy.

«Qytaıdan kelgen 185 adam adam karatınde jatyr. 1 naýryzdan bastap bizde tizilim keńeıtiledi. Oǵan Ońtústik Koreıa, Italııa, Iran jáne Japonııa azamattary kiredi. Taǵy da qaıtalap aıtamyz, biz olardyń barlyǵyn aýrýhanaǵa jatqyzýdy josparlap otyrǵanymyz joq. Naqty aýrý belgisi bar adamdar ǵana medıtsınalyq turǵyda oqshaýlanady. Ózderin jaqsy sezingen adamdar úılerinde baqylaýda bolady. Eń mańyzdysy, ınfektsııanyń elge kelýine jáne onyń taralýyna jol bermeýdiń bir ǵana tásili bar ekenin este ustaý qajet. Ol úshin áleýetti táýekeli bar adamdar eshkimmen baılanysqa shyqpaı 14 kún úılerinde bolýy qajet. Óıtkeni, ol bireýlermen aralasyp, 10 kúnnen keıin onda aýrý belgileri shyqsa, bizge onymen baılanysta bolǵan adamdardń barlyǵyn izdep taýyp, oqshaýlaýǵa týra keledi», - dedi Eljan Birtanov.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT