+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Eljan Birtanov el azamattaryna Ońtústik Koreıaǵa barmaýǵa keńes berdi

2020 jylǵy 27 aqpan 15:53
Bólisińiz:
Eljan Birtanov el azamattaryna Ońtústik Koreıaǵa barmaýǵa keńes berdi

NUR-SULTAN. QazAqparat – QR Densaýlyq saqtaý mınıstri Eljan Birtanov el azamattaryna Ońtústik Koreıaǵa barmaýǵa keńes berdi, dep habarlaıdy QazAqparat tilshisi.

Uqsas jańalyqtar
Prezıdent dárigerlerdi qarjylaı qoldaýdyń jańa paketi týraly aıtty Batysqazaqstandyq kásipker arnaıy qorǵa 10 mln teńge aýdardy Túrkistan oblystyq máslıhatynyń hatshysy: Birligi myqty el – indetti birge jeńedi

«Biz Ońtústik Koreıadaǵy ahýaldy jiti qadaǵalap otyrmyz. Ótken táýliktiń ishinde odan arǵy kúnge qaraǵanda ósim qarqyny shamamen 48 paıyzdy qurady. Bul óte joǵary qarqyn sanalady. Ókinishke oraı, artý tendentsııasy baıqalady. Qytaıda ósimniń eń joǵary qarqyny táýligine 65-70 paıyz bolǵan edi. Sondyqtan eger jaǵdaı kúrdelenip, patsıentter sany men ósim qarqyny qaýip tóndiretindeı bolsa, onda biz batyl sharalar qabyldaımyz. Búgingi kúngi másele qaıtyp kelgenderdi karantınge jatqyzý bolyp otyr. Shekarany jappaǵanmen 1 naýryzdan tasymal sanyn qysqartamyz. Múmkindiginshe ol jaqqa barmaýǵa keńes beremiz. Óıtkeni, olardyń barlyǵyn keıin alyp kelýge týra keledi. Qazirgi ýaqytta qansha azamatymyzdyń elge oralǵysy keletindigi týraly máseleni talqylap jatyrmyz. Ázirshe Koreıada qaýip deńgeıi aıtarlyqtaı joǵary emes», - dedi mınıstr BAQ ókilderimen kezdesýinde.

Onyń dereginshe, búginde Ońtústik Koreıada 30 myń Qazaqstan azamaty júr.

«Aıtalyq, olardyń 25 myń elge oralǵysy keledi. Al bul óte úlken mólsher. Bizde juqpaly aýrýlar aýrýhanalarynda rezervtik oryndardyń sany shamamen 7 myń ǵana. Buǵan qosa, shamamen 3,5 myń medıtsınalyq uıymdy karantınge aınaldyra alamyz», - dedi Eljan Birtanov.

Mınıstrdiń aıtýynsha, bul oryndar da jetpeı jatsa, onda shetelden kelgen azamattar oqshaýlanady. Oqshýlanǵan adamdarǵa qolaıly turmystyq jaǵdaı jasalady.

«Bul bas bostandyǵynan aıyrý emes, tek karantın ǵana. Aıryqsha jaıttarda qabyldanatyn shara. Bizdiń oıymyzsha, kóp jaǵdaıda úı karantıniniń ózi de jetkilikti bolady. Óıtkeni, 14 kúnnen keıin biz onyń aýyrǵanyn ne aýyrmaǵanyn bile alamyz. 14 kún kúnnen keıin aýrý juqtyrmaǵanyna, qaýiptiń joqtyǵyna kóz jetkizgennen soń karantındy jalǵastyrý qajet bolmaıdy», - dedi ol.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT