+7 (701) 759 90 19
USD 448.52 EUR 490.32
RUB 5.69 CNY 63.23
Jańalyqtar

Eljan Birtanov bolashaq dárigerlermen kezdesti

2020 jylǵy 18 qańtar 19:58
Bólisińiz:
Eljan Birtanov bolashaq dárigerlermen kezdesti

ALMATY. QazAqparat – Almatyda QR Densaýlyq saqtaý mınıstri Eljan Birtanov Sanjar Asfendııarov atyndaǵy QazUMÝ stýdenterimen kezdesti. Mınıstr medıtsınalyq volonterlikke resmı bastama berip, medıtsınalyq bilim ordalarynyń stýdentterin «volonter jylynyń» is-sharalaryn júzege asyrýǵa belsene qatysýǵa shaqyrdy, dep habarlaıdy QazAqparat tilshisi.

Uqsas jańalyqtar
Medıtsınalyq maskany alypsatarlar qylmystyq jaýapkershilikke tartylýy múmkin Qazaqstanda maska shyǵaratyn zaýyttar baqylaýǵa alynady - Eljan Birtanov Qazaqstanǵa koronavırýsty anyqtaý úshin 100 myń test ákelinbek

Kezdesý barysynda densaýlyq saqtaý mınıstri medıtsına salasynda volonterlik qyzmetti damytý úshin úlken múmkindikter bar ekenin atap ótti.

«Álemniń barlyq elderinde medıtsınalyq kadrlar tapshylyǵy bar. Biz Qazaqstanda eń zamanaýı halyqaralyq hattamalar boıynsha emdeýge mindettimiz. Bul qomaqty qarjyny talap etedi, sondyqtan biz jalaqydan únemdeýge májbúrmiz. Biz muny retteýge tyrysyp, jalaqyny kóbeıtip jatyrmyz. Osy rette volonterler kómegi óte mańyzdy. QazUMÝ rektory Talǵat Seıtjanov aýyldyq medıtsınaǵa qoldaý kórsetsek jaqsy bolar edi deıdi. Ashyǵyn aıtqanda aýylǵa barǵysy keletinderdiń sany kóp emes. Arnaıy medıtsınalyq poıyzdar aýyldyq óńirlerge kelgen kezde kezekte turatyn aýyl turǵyndarynyń sany qanshama. Sizder úshin bul - patrıottyǵyńyzdy kórsetýde ǵana emes, sonymen qatar óz tájirıbeńizdi baıytýǵa úlken múmkindik. Siz kishi medıtsınalyq qyzmetshi retinde kóp kómek kórsete alasyz. Meniń oıymsha, bul oń bastama. Bul bastamany barlyq ýnıversıtetter qoldaıdy dep úmittenemin», - dedi Birtanov.

Ol qazir medıtsınalyq mamandyqtarǵa úlken konkýrstyń bar ekenin atap ótti.

«Adamdarǵa dáriger bolý árqashan qyzyq. Dáriger aqsha ne paıda úshin emes, kómektesý úshin, naýqastardyń saýyǵýy úshin adal eńbek etedi. Dárigerliktiń túpki mán-maǵynasy osynda jatyr. Sondyqtan biz bárimiz volontermiz», — dedi mınıstr.

Óz kezeginde QazUMÝ rektory Talǵat Nurǵojın jınalǵandarǵa volonterlik bastamalarǵa qatysqany úshin alǵysyn bildirdi.

«Biz jastar jylynda birlese kóp jumys atqardyq. Endi mine, bıylǵy eriktiler jylynda osy qarqynda jan-jaqty jumys isteıtin bolamyz. Volonterlik degen - jomart júrekti adamdardan týyndaıtyn is. Sondyqtan, eriktiler qozǵalysynyń sımvoly - júrek, ol meıirimdi, tabandylyq pen erik-jigerdi sıpattaıdy», - dedi QazUMÝ rektory Talǵat Nurǵojın.


Búgingi tańda ýnıversıtette 2 volonterlik uıym jumys isteıdi: «Qazaqstannyń medıtsına jastary» jáne «QazUMÝ Volonterler lıgasy». Onda 200-den astam belsendi stýdentter eriktiler jumysymen aınalysady. QazUMÝ volonterleri balalar úılerine hospısterde jumys isteıdi, qaıyrymdylyq jumystarymen aınalysady, sondaı-aq kóptegen is-sharalar uıymdastyrylýda.

Aıta keteıik, ýnıversıtet 2020 jylǵa arnalǵan «Eriktiler jylyn» ótkizý boıynsha is-sharalar josparyn bekitti.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT