Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.91 EUR 428.81
RUB 5.79 CNY 54.79
Jańalyqtar

Eljan Birtanov: 2025 jyly dárigerlerdiń ortasha eńbekaqysy 500 myńǵa jetýi tıis

2019 jylǵy 22 shilde 12:04 686
Bólisińiz:
Eljan Birtanov: 2025 jyly dárigerlerdiń ortasha eńbekaqysy 500 myńǵa jetýi tıis

NUR-SULTAN. QazAqparat – Dárigerlerdiń ortasha eńbekaqysy eldegi ortasha eńbekaqydan 2,5 ese kóp bolýy kerek. QR Densaýlyq saqtaý mınıstri Eljan Birtanov jedel járdem jasaqtary men statsıonarlyq qabyldaý bólimderiniń arasyndaǵy IV respýblıkalyq jarystyń ashylýynda osylaı málim etti, dep habarlaıdy QazAqparat tilshisi.

Mınıstrdiń aıtýynsha, qazirgi tańda eldegi medıtsına qyzmetkerleriniń ortasha eńbekaqysy 240 myń teńge kóleminde. Biraq bul sala mamandarynyń kóbi osynsha mólsherde jalaqy alyp júr degen sóz emes.

«Biz maýsym aıynda ǵana medıtsına qyzmetkerleriniń eńbekaqysyn ósirdik. Onyń ishinde jedel járdem ókilderi de bar. Mınıstrlik ony barlyǵy alǵanyn qadaǵalaý úshin jaǵdaıǵa monıtorıng júrgizip otyr. Bul iske ákimdikter men kásipodaqty da tarttyq. Eńbekke saı jalaqy bolýy mańyzdy. Ortasha eńbekaqy eń joǵarǵy aılyq pen eń tómenginiń arasynan alynatynyn umytpaý kerek. Bizde bul kórsetkish 240 myń teńge mólsherinde. Al saladaǵy eńbek ótili men sanaty tómen mamandardyń kóbi 120-140 myń teńge alyp júr. Kórshiles Reseıde dárigerlerdiń ortasha eńbekaqysy bizden 2 ese artyq. Sondyqtan da, mamandar bizde turaqtamaı jatyr»,- dedi Eljan Birtanov BAQ ókilderiniń suraǵyna jaýap bere otyryp.

Ol sondaı-aq, aldaǵy bes jylda dárigerlerdiń eńbekaqysyn kóterý josparlanyp otyrǵanyn aıtady.

«Dárigerlerdiń eńbekaqysyn kóterý boıynsha naqty qadam jasalyp jatyr. 2025 jylǵa qaraı medıtsına qyzmetkerleriniń ortasha eńbekaqysy 500 myń teńge bolýy tıis. Bizdiń oıymyzsha, medıtsına qyzmetkerleriniń ortasha eńbekaqysy eldegi ortasha eńbekaqydan 2,5 ese artyq bolýy kerek. Osy kezde ǵana mamandar turaqtap, yntamen jumys isteıtin bolady. Biz álemniń ózge Óıtkeni, dáriger naqty jumysqa kirisý úshin 10 jyl kóleminde oqıdy. Jumysqa kirise salyp óz betimen kúrdeli sheshimder qabyldaýy kerek. Muny ózge mamandyqtarmen salystyrýǵa bolmaıdy. elderindegi jaǵdaıdy eskere otyryp osyndaı oıǵa keldik», - dedi Eljan Birtanov.

Mınıstrdiń aıtýynsha, osyǵan qaramastan Qazaqstanda jedel járdem qyzmeti bedeldi mamandyqtardyń biri sanalady.

Eske salsaq, QR Densaýlyq mınıstri Eljan Birtanov aldaǵy eki jylda jedel járdem qyzmetine 800 jańa kólik beriletinin aıtqan bolatyn.


Foto: Vıktor Fedıýnın

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT