+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Eljan Birtanov: 2020 jyldan bastap densaýlyq salasyna bólinetin qarajat kezeń-kezeńimen ulǵaıady

2019 jylǵy 21 qarasha 16:41
Bólisińiz:
Eljan Birtanov: 2020 jyldan bastap densaýlyq salasyna bólinetin qarajat kezeń-kezeńimen ulǵaıady

NUR-SULTAN. QazAqparat – Ózbekstan astanasynda Qazaqstannyń medıtsına kúnderi ótip jatyr. Tashkenttegi forýmǵa elimizden QR Densaýlyq saqtaý mınıstri Eljan Birtanov, Qazaqstan Respýblıkasynyń Ózbekstandaǵy elshisi Darhan Satybaldy bastaǵan 150 delegat qatysýda, dep habarlaıdy QazAqparat tilshisi.

Uqsas jańalyqtar
Dárigerler men medbıkelerdiń jalaqysy 30 paıyzǵa deıin kóteriledi – Eljan Birtanov Balasyna ekpe saldyrmaǵan ata-anaǵa jaýapkershilik qarastyryla ma - mınıstr jaýap berdi Qazaqstanda balabaqshaǵa ekpe almaǵan balalardy kirgizýge tyıym salynbaq

«Qazaqstanda ınnovatsııalyq tehnologııalar men aldyńǵy qatarly medıtsına ǵylymynyń jetistikterin tájirıbede qoldana otyryp, halyqaralyq talaptar deńgeıinde joǵary tehnologııalyq medıtsınalyq qyzmetter usynatyn Ortalyq Azııadaǵy jetekshi kóp salaly klınıkalar shoǵyrlanǵan. Olardyń ishinde – Ulttyq neırohırýrgııa ortalyǵy, Ulttyq ǵylymı kardıohırýrgııa ortalyǵy, Travmatologııa jáne ortopedııa ǵylymı-zertteý ınstıtýty, Syzǵanov atyndaǵy Ulttyq ınstıtýt bar», - deıdi QR Densaýlyq saqtaý mınıstri Eljan Birtanov.


Degegattar qatarynda jetekshi medıtsınalyq ortalyqtardyń, mamandandyrylǵan medıtsınalyq jáne sanatorıı uıymdarynyń, farmatsevtıka óndirýshileriniń, medıtsınalyq ýnıversıtetterdiń, konsaltıng kompanııalardyń ókilderi bar.

«Qazaqstanda densaýlyq saqtaý salasy – memleket basshysynyń erekshe nazarynda bolatyn basty basymdyqtardyń biri. 2020 jyldyń qańtar aıynan bastap Qazaqstan Úkimetiniń densaýlyq saqtaý salasyna bólinetin qarjyny kezeń-kezeńimen ulǵaıta bastaıtyny osyǵan dálel bola alady. Memleket basshysy Qasym-Jomart Toqaev densaýlyq saqtaý salasyna ketetin shyǵyndardy qazirgi deńgeıden 2025 jyldyń jalpy ishki óniminen 3,2%-dan 5% -ǵa deıin jetkizý kerektigin aıtty. Sonymen birge, Elbasynyń tapsyrysy boıynsha 2025 jylǵa qaraı alǵashqy medıtsınalyq-sanıtarııalyq kómek pen halyqtyń densaýlyǵy úshin bólinetin shyǵyndar úlesi 60% deıin jetkiziletin bolady», - deıdi ol.


Eljan Birtanov Ózbekstan densaýlyq saqtaý mınıstriniń buıryǵymen «Ózbekstan Respýblıkasynyń densaýlyq saqtaý isiniń úzdigi» ordenimen marapattaldy jáne Tashkent medıtsınalyq akademııasynyń professory ataǵyna ıe boldy.

Sondaı-aq, is-shara aıasynda Qazaqstan Respýblıkasynyń jetekshi medıtsınalyq mekemeleri týraly prezentatsııa materıaldar qoıylǵan kórme ótti. Nátıjesinde eki eldiń medıtsınalyq mekemeleri men ýnıversıtetteri arasynda birqatar memorandýmǵa qol qoıyldy.

Eske sala ketsek, buǵan deıin Ózbekstanda Qazaqstannyń medıtsına kúnderi ótetini týraly jazǵan bolatynbyz.















Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT