+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Eljan Birtanov: 20 aqpannan beri 160 adam karantınge jatqyzyldy

2020 jylǵy 25 aqpan 19:53
Bólisińiz:
Eljan Birtanov: 20 aqpannan beri 160 adam karantınge jatqyzyldy

NUR-SULTAN. QazAqparat – Densaýlyq saqtaý mınıstri Eljan Birtanov elimizde koronavırýs ınfektsııasynyń aldyn alý jumystary qalaı júrgizilip jatqanyn aıtyp berdi, dep habarlaıdy QazAqparat tilshisi.

Uqsas jańalyqtar
30 naýryzdan bastap Aqtaýda birqatar shekteý sharalary engiziledi Koronavırýs juqtyrǵan 12 jastaǵy qyz bala jazylyp shyqty - Almaty BAÁ-den taǵy 116 qazaqstandyq elge oraldy

«Bárińiz biletindeı, Tokıodaǵy laınerde bizdiń de azamattar bar bolyp shyqty. Olar kóp ýaqyt sol jerde karantınde bolyp, Japonııa memleketiniń densaýlyq saqtaý mınıstrliginiń vırýs juqtyrmaǵan degen qaǵazyn aldy. Sosyn olar Skat áýe kompanııasynyń ushaǵymen elge jetý úshin Qazaqstanǵa ushqan. Osy kezde biz Izraıl, Avstralııa, AQSh elderinen qosymsha aqparat aldyq. Bilgenimizdeı sol kemeden buryn saý dep túsken azamattardyń arasynda koronavırýs juqtyrǵandary anyqtalǵan. Ókinishke qaraı, biz bul jaǵdaı boıynsha Japonııa memlekettik qyzmetterinen eshqandaı aqparat alǵan joqpyz. Sonymen memlekettik organdarmen aqyldasyp, tıisti sheshim qabyldap, ushaqpen kelgen basqa da jolaýshylar men ekıpaj múshelerin karantınge jatqyzdyq», - dedi Eljan Birtanov «Habar 24» arnasyna bergen suhbatynda.

Mınıstrdiń aıtýyna qaraǵanda, Tokıodan ushyp kelgenderdiń bári de arnaıy medıtsınalyq mekemege jatqyzylǵan. Qajetti tekserister ótkennen keıin olar úılerine qaıtarylmaq.

«Olar naýqas adamdar emes – saý adamdar. Biraq qaýipsizdik máselesi óte ózekti. Ushyp kelgenderdiń týystaryn, jaqyndaryn qorǵaý úshin biz osyndaı sheshim qabyldap otyrmyz. Bul sheshim zańdy túrde qabyldanǵan. Bas sanıtarlyq dárigerdiń karantın engizýge zań boıynsha quqyǵy bar», - dedi ol.

Eljan Birtanov Tokıodan ushyp kelgenderdiń ishinde shetel azamattary da baryn aıtyp ótti.

«Sheteldikter de karantın talaptaryna baǵyndy. Áli tolyq dıagnostıka ótken joq. Karantın aıaqtalǵannan keıin olar da qaıtarylady. Bul – basqa memleketterde de kúndelikti bolyp jatqan jaǵdaı. Mysaly Japonııadan, Koreıadan kelip jatqan azamattarǵa qatysty osyndaı karantın engizilýde. Árıne jalpy dúnıejúzi osyndaı qıyn jaǵdaıda. Árbir memleket óziniń zańy boıynsha azamattaryn qorǵaýda. Bizdiń de negizgi maqsatymyz – halyqtyń densaýlyǵy. Eshqandaı qaýip joq. Tek karantın. Osy ýaqytqa deıin Ýhannan 300-ge tarta óz azamattarymyzdy, basqa sheteldik azamattardy ákelip, karantınnen ótkizdik. Eshqandaı koronavırýs tabylǵan joq. Bári úılerine tarap ketti. Qazir de Qytaıdan keletin azamattarǵa karantın engiziletin bolady. 20 aqpannan bastap 160 adam karantınde jatyr. Olardyń ishinde otandastarymyzben birge QHR-dyń da, basqa elderdiń azamattary bar», - dedi ol.

Eske sala ketsek búgingi Úkimet otyrysynda da Eljan Birtanov Japonııadaǵy laınerde bolǵan 4 qazaqstandyq jáne olarmen birge Tokıodan ushyp kelgen azamattar karantınde jatqanyn málim etken edi.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT