+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

Elordanyń Esil aýdanynda jańa balabaqsha men 4 mektep ashylady

2020 jylǵy 29 qańtar 22:11
Bólisińiz:
Elordanyń Esil aýdanynda jańa balabaqsha men 4 mektep ashylady

NUR-SULTAN. QazAqparat – Elordadaǵy Esil aýdanynyń ákimi Berik Jákenov aýdandaǵy bilim berý oryndary jaıly halyqqa esep berý kezdesýinde baıandady, dep habarlaıdy QazAqparat qala ákimdiginiń saıtyna silteme jasap.

Uqsas jańalyqtar
Bilim mınıstri jataqhana men mektep salýdaǵy kemshilikter týraly aıtty ShQO-da bes mektep salynady

«Esepti kezeńde №88 mektep ashyldy, 550 orynǵa eseptelgen «Prıgorodnyı» turǵyn alabynda №24 mektepke japsarlas nysan salyndy. Munda biz Oqýshylar saraıynyń fılıalyn ashtyq. Sondaı-aq «Samuryq-Energo» AQ tarapynan E-321 kóshesinde salynǵan 240 oryndyq balabaqsha ashyldy. Bul balalar úshin taǵy 1 700 oryndy qamtamasyz etti», - dedi aýdan ákimi Berik Jákenov.

Onyń aıtýynsha, aýdanda 7 mektep oqýshylarǵa toly.

«1 200 orynǵa eseptelgen mektepterde 2,5-3 myń balany, jalpy 59 mekteptiń árqaısysy 4,2 myń balany oqytady. Osyǵan baılanysty biz bul baǵytta úlken jumys júrgizip kelemiz. Kelesi jyly 4 mektep paıdalanýǵa beriledi, sáıkesinshe, bul bizge kóptegen mektepterdi jeńildetýge múmkindik beredi», - dedi Berik Jákenov.


Sonymen qatar, aýdanda memlekettik-jekeshelik áriptestiń boıynsha balabaqsha qurylysy júrgizilip jatyr, sondaı-aq 600 oryndyq mektep ashylady.

Aýdan ákimi ótken jyly iske qosylǵan «Open Akimat» ashyq ákimdik alańy jaıly da sóz qozǵady. Atalǵan ortalyqtan 4 aıdyń ishinde 18 myń Esil aýdanynyń turǵyny óz máselelerin kóterip, jaýap alǵan.

«Bizdiń aýdandyq ákimdik ótken jyldan bastap «Open Akimat» júıesimen jumys isteýdi bastadyq. Eger alǵashqy kezde ákimdikke túrli suraqtarmen 250-300 adam kelse, qazir kúnine 100 adamdaı keledi. Bul degenimiz atalǵan júıeniń tıimdiligin kórsetedi. ıAǵnı azamattar burynǵydaı birneshe suraqqa jaýap alý úshin birqatar jerge birneshe kún qatarynan kelmeıdi. Bir kelgende bir jerden birneshe máseleniń jaýabyn alý múmkindikteri bar. Azamattardyń qaıtalanýy qysqardy. 2019 jyldyń qyrkúıeginde ǵana ashylǵan ákimdiktiń ashyq alańyna 18 myń turǵyn óz suraqtaryna jaýap aldy. Onyń ishinde 3 myńy naqty bizdiń aýdan ákimdigine qatysty suraqtar», - dedi Berik Jákenov.


Odan bólek, aýdan ákimi ákimdik tarapynan muqtaj jandarǵa beriletin kómek jaıly baıan etti.

«Ákimdik aldyndaǵy basty suraqtardyń biri – kópbalaly otbasylarǵa qoldaý kórsetý. 2019 jyly 470 esildik kópbalaly otbasy qoldaý suraǵan. Onyń ishinde «Nur Otan» partııasynyń aýdandyq fılıaly men shaǵyn jáne orta bıznes ókilderiniń qoldaýymen 368 otbasyǵa azyq-túlik, dári-dármek, kıimdeı jáne kómir alyp berý kómegi berildi. Sondaı-aq, «Mektepke jol» aktsııasy aıasynda 241 bala mektepke qajettiliktermen qamtyldy. Aýdanymyzda 50-den astam otbasynyń balasy tegin túrde qosymsha sabaqtarǵa qatysady jáne tegin tamaq qarastyrylǵan. Jáne 20 otbasyǵa otyn jaǵynan kómek kórsetildi», - dedi ol.


Bizdiń kanalymyzǵa jazylyńyz:

Basty sózder: Nur-Sultan, Bilim, Qurylys,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT