Elordany qardan tazartýǵa 564 tehnıka jumyldyryldy

NUR-SULTAN. QazAqparat - Elordanyń barlyq aýdanyn qardan tazartý, kóktaıǵaqtyń aldyn alý úshin qum-tuz qospasyn sebý jumystary júrgizilip jatyr. Oǵan barlyǵy 564 tehnıka men 1800-den astam adam jumyldyryldy, dep habarlaıdy QazAqparat elorda ákimdiginiń resmı saıtyna silteme jasap.

Búgin, ıaǵnı 6 qarasha kúni qalany sanıtarlyq tazalaýǵa 564 birlik arnaıy tehnıka jumyldyrylyp, onyń ishinde 163-i kúsheıtilgen rejimge kóshýge ázir otyr.

Qala aýdandaryndaǵy kórsetkish mynadaı:

Almaty aýdany – 129 tehnıka men 430 jol jumysshysy. Onyń ishinde «kútý rejimine» kóshýge 14 tehnıka daıyn otyr.

Baıqońyr aýdany – 90 pen 360 jol jumysshysy. Onyń ishinde «kútý rejiminde» arnaıy 30 mashına daıyn otyr.

Esil aýdany – 187 tehnıka men 543 jol jumysshysy. Onyń ishinde «kútý rejiminde» arnaıy 78 birlik mashına bar.

Saryarqa aýdany – 158 tehnıka men 491 jol jumysshysy. Onyń ishinde «kútý rejıminde» arnaıy 41 tehnıka bar.

Aıta ketý kerek, turǵyn úı-kommýnaldyq máseleler boıynsha, sonyń ishinde qar tazalaý boıynsha táýlik boıy iKomek monıtorıng jáne jedel áreket etý ortalyǵyna 109 nómirine qońyraý shalyp habarlasýǵa bolady.

Sondaı-aq, ótinishti nemese shaǵymdy ákimdiktiń resmı saıtyna da, www.astana.gov.kz, Telegram chat https://t.me/nursultanikomek109_bot iKOMEK109 mobıldik qosymshasynda, sondaı-aq +7-747-109-0-109 nómiri boıynsha Whatsapp ikomek109 chat-botynda qaldyrýǵa bolady.