Elordamyz táýelsizdiktiń, jasampazdyq pen birlik rýhynyń qaınar kózine aınaldy - Elbasy

NUR-SULTAN. QazAqparat - Qazaqstannyń Tuńǵysh Prezıdenti - Elbasy baspasóz hatshysy Aıdos Úkibaı Twitter akkaýntynda Astana kúnine arnalǵan vıdeorolık jarııalady, dep habarlaıdy QazAqparat tilshisi.

Táýelsiz Qazaqstannyń jas elordasynyń zamanaýı jarqyn ári qaıtalanbas sáýlettik kelbetin pash etetin eki mınýttyq vıdeorolıkte qalanyń bas sáýletshisi, QR Tuńǵysh Prezıdenti - Elbasy Nursultan Nazarbaevtyń sózi keltirilgen.

«Biz eshteńege qaramastan qıyndyqtardy eńserip, elordamyzdy saldyq. Elordamyz qasıetti Táýelsizdik rýhynyń – Jasampazdyq pen birlik rýhynyń qaınar kózine aınaldy» deıdi Elbasy.

Eske sala keteıik, jyl saıyn 6 shildede Qazaqstannyń astanasy - Nur-Sultan qalasynyń kúni atap ótiledi.