Elordalyqtar sporttyń 10 túrinen «Burqasyn» festıvaline qatysa alady
ASTANA. QazAqparat – Bıyl elordada «Burqasyn-2023» jyl saıynǵy qysqy festıvali 19 aqpanda ótedi, dep habarlaıdy QazAqparat.
Festıvalge ádettegideı, nıet bildirgen kez kelgen adam qatysa alady.
Jarystar sporttyń 10 túrinen ótedi: shańǵy jarysy, gir tasyn kóterý, qol kúresi, belbeý kúresi, arqan tartys, pımaly hokkeı, qarmen nysanany dáldep atý, avtosport, motosport jáne qysqy fýtbol.
«Jarysqa qatysýǵa densaýlyǵy jaramdy barlyq tilek bildirýshiler qatysa alady. Tirkeýden ótý kezinde ózimen birge jeke basyn kýálandyratyn qujat bolýy qajet», - delingen qala ákimdiginiń málimetinde.
Aıta keteıik, shańǵy jarysyna tirkeý jáne bastapqy nómirler ár jas toby boıynsha jarys kestesine sáıkes 30 mınýt buryn beriledi.
Ár jas tobynyń jeńimpazdary men júldegerleri dıplomdarmen, medaldarmen jáne baǵaly syılyqtarmen marapattalady.
Foto: Astana qalasy ákimdiginiń baspasóz qyzmeti
