+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Elordalyqtar Mıkelandjelo Pıstolettonyń óner ınstallıatsııasyn tamashalaı alady

2020 jylǵy 8 shilde 14:43
Bólisińiz:
Elordalyqtar Mıkelandjelo Pıstolettonyń óner ınstallıatsııasyn tamashalaı alady

NUR-SULTAN. QazAqparat – Búgin Nur-Sultan qalasynda Birikken Ulttar Uıymynyń 75 jyldyǵyna oraı jáne COVID-19 indetine qarsy jahandyq kúresti qoldaý maqsatynda álemge áıgili sýretshi Mıkelandjelo Pıstolettonyń «Úshinshi jumaq» óner ınstallıatsııasynyń onlaın tusaýkeseri ótti, dep habarlaıdy QazAqparat.

«Joba Qazaqstandaǵy BUU men «Artios» kreatıvti agenttigi jáne Nur-Sultan qalasynyń ákimdiginiń qoldaýymen uıymdastyryldy. Bul ýaqytqa deıin álemniń jetekshi óner alańdarynda qoıylǵan ıtalııalyq ataqty sýretshi Mıkelandjelo Pıstolettonyń avtorlyq týyndysy Qazaqstanda tuńǵysh ret tanystyryldy.

Órship kele jatqan COVID-19 daǵdarysy kezinde «Úshinshi jumaq» adamdardy ózderi qalaıtyn bolashaq týraly suhbatqa shaqyrady jáne turaqty qorshaǵan ortany qurýǵa, ony sanaly tutynýǵa umtylý qanshalyqty mańyzdy ekenin únemi eske salady. Mıkelandjelo Pıstoletto osy sımvoldyń ıdeıasyn sońǵy on jyl barysynda belsendi damytýda. «Úshinshi jumaq» – adamzattyń turaqty damý maqsattaryna qol jetkizýge umtylysyn kórsetetin tehnologııa men tabıǵat arasyndaǵy teńgerimdi baılanys retinde iske asyrylǵan adamzat damýynyń úshinshi kezeńi», - deıdi uıymdastyrýshylar.

«Inklıýzıvti ósý, gúldený jáne qaýipsiz ómirdi ornatý beıbitshilik pen qoǵam belsendiligine táýeldi. Beıbit qoǵamda adamdar ózderiniń ishki qarama-qaıshylyqtaryn eńserý úshin birge jumys isteıdi. «Úshinshi jumaq» 2015 jyly barlyq memleketter qabyldaǵan, sonyń ishinde Qazaqstan da atsalysqan 17 Turaqty damý maqsatynyń jáne barlyǵymyz qol jetkizýge umtylatyn birliktiń kórkem kórinisi bolyp sanalady», - deıdi Qazaqstandaǵy BUU Turaqty úılestirýshisi Norımasa Shımomýra.

Jaqynda COVID-19 dertinen jazylǵan Mıkelandjelo Pıstoletto qazaqstandyqtarǵa arnalǵan sózinde: «Óner týyndymdy sizderge tanystyrý men úshin úlken mártebe. «Úshinshi jumaq» degenimiz – tepe-teńdik, birlik jáne úılesim. Osy belgi sizderdiń elińizge úlken sáttilik alyp keledi degen senimdemin», - dedi.

«Úshinshi jumaq» - bul zamanaýı óner men Uly dala kóshpeli mádenıetiniń dástúrli materıaldarynyń úılesimi. 40 metrlik ınstallıatsııany qurý kezinde tek jergilikti materıaldar, atap aıtqanda, BUU-ǵa múshe memleketterdiń sanyn beıneleıtin 193 sharshy metr aq kıiz ben arnaıy kestelengen basqurlar paıdalanyldy. Olardyń árqaısysynda sheksizdikti beıneleıtin oıýlar joba maǵynasyn asha túsedi.

Matematıkalyq sheksizdik belgisinen shabyttana otyryp jasalǵan óner týyndysy qarama-qaıshylyqtardy jeńý, turaqty damý joldaryn tabý, beıbitshilik qurýǵa atsalysýdy bildiretin tabıǵat, tehnologııa jáne jańa kezeń álemderin beıneleıtin úsh sheńberden turady. «Úshinshi jumaq» tujyrymdamasynyń mańyzdy bóligi antropotsentrlik sanany synǵa alyp, ekologııalyq taza oılaý beınesi bolyp sanalady, ol sondaı-aq BUU qyzmetiniń negizgi ıdeıalary men baǵyttaryn kórsetedi.

«Installıatsııany jasaýda qoldanylǵan kıiz ekologııalyq sanaly ónerdi beıneleıtin Arte Povera qozǵalysynyń tabıǵı materıaldardy paıdalaný ıdeıasyn jalǵastyrýda. Bul nyshan shyndyqty ózgertedi jáne pandemııa kezeńinde barlyq elder úshin osy qıyn-qystaý kúnderde ún qatatyn, birlik pen turaqty damýdy beıneleıtin álemdi qaıta qurý týraly ǵalamdyq ıdeıalardyń jarshysy bolyp tabylady», - dep atap ótti ınstallıatsııa kýratory, Artios kreatıvti agenttiginiń dırektory Dına Baıtasova.

Kórkemóner ınstallıatsııasy ashyq alańda Nurjol býlvary, QRPrezıdentiniń rezıdentsııasy – Aqorda aldyndaǵy amfıteatrda ornalasqan. Kelesi eki aı boıy kórermender nazarynda bolady. Joba aıasynda onlaın rejıminde birneshe tanymdyq semınarlar, master klasstar jáne UN75 dıalogtaryn ótkizý josparlanýda.

«Úshinshi jumaq» jobalary osyǵan deıin Lývrda (Parıj), BUU-nyń Jenevadaǵy shtab-páterinde, Brıýsseldegi Eýropalyq odaq Keńesinde, Mılanda, Tokıoda jáne álemniń kóptegen basqa qalalaryndaǵy kórmelerinde júzege asyrylǵan.

Mıkelandjelo Pıstoletto (1933 jyly 23 maýsymda dúnıege kelgen, Bıella, Italııa) – HH ǵasyrdyń zamanaýı ónerine áser etken bizdiń zamanymyzdyń eń ataqty sýretshileriniń biri. Aty ańyzǵa aınalǵan ıtalıandyq sýretshi – Arte Povera qozǵalysynyń negizin qalaýshylardyń biri. 90-jyldary ol «Chıttadelarte» (Óner qalasy) kóp salaly jobasyn jasady. 2003 jyly Venetsııa bıennale kórmesinde Altyn arystan júldesine ıe boldy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT