+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Elordalyqtar kógildir otyn qyzyǵyn qashan kóredi

2019 jylǵy 20 qarasha 12:47
Bólisińiz:
Elordalyqtar kógildir otyn qyzyǵyn qashan kóredi

NUR-SULTAN. QazAqparat – 2020 jyldyń kúzinen bastap elorda turǵyndaryna gaz berile bastaıdy. Bul týraly búgin Úkimet úıindegi baspasóz máslıhatynda QR Energetıka vıtse-mınıstri Murat Júrebekov aıtty, dep habarlaıdy QazAqparat tilshisi.

Uqsas jańalyqtar
«Saryarqa» gaz qubyryn tóseý jumystary 100 paıyz aıaqtaldy Parlament depýtattary elordany gazdandyrý jumystarymen tanysty «Saryarqa» gazy: Astana ákimdigi janynan jańa kompanııa qurylady

«Saryarqa» magıstraldy gaz qubyryna qosylý úshin Nur-Sultan qalasynyń, Qaraǵandy men Aqmola oblystarynyń ákimdikteri gaz taratý jelilerin salýy tıis. Nur-Sultan qalasynda gaz taratý jelisin salý 2025 jylǵa deıingi qurylys merzimimen úsh kezeńge bólingen. Qala ákimdigi 9 iske qosý kesheni bar 1-kezeńniń jobalyq-smetalyq qujattamasyna memlekettik saraptamanyń oń qorytyndysyn aldy», - dedi vıtse-mınıstr.

Onyń aıtýynsha, birinshi kezeńdi júzege asyrý úshin bıyl respýblıkalyq bıýdjetten 2,2 mlrd teńge bólingen. Atalǵan qarajattyń 550 mln teńgesi 1-inshi jáne 2-iske qosý keshenine, 1,7 mlrd teńge 3-inshi jáne 6-iske qosý keshenderin salýǵa jumsalady.

«Barlyq 9 iske qosý kesheni boıynsha merdiger uıymdar anyqtalyp, qurylys-montajdaý jumystary bastaldy. 1-inshi, 2-iske qosý keshenderi Jylý elektr stansasyna jeli tartýdy kózdeıdi. Qazirgi ýaqytta 4 shaqyrym nemese 15,4 paıyz qubyr tóseldi. JES-1, 3-ke arnalǵan gazdy retteý beketiniń irgetasyn daıyndaý jumystary aıaqtaldy. Jyldyń sońyna deıin gazdy retteý beketine qajetti barlyq qural-jabdyqtar men 100 paıyz qubyr ónimderin jetkizý kútiledi. 3-ten bastap 6-shy iske qosý keshenderi Kóktal-1, 2 turǵyn úı alaptaryna gaz taratý jelilerin qamtıdy. Bul keshender aıasynda 14 shaqyrym nemese 78 paıyz qubyr jetkizildi. Kóktal shaǵyn aýdanynda 4 gaz retteý beketiniń irgetasyn daıyndaý jumystary aıaqtaldy. Jyldyń sońyna deıin 4 gaz retteý beketin jáne 100 paıyz qubyr ónimderin jetkizý kútiledi», - dedi vıtse-mınıstr.

Murat Júrebekov 7-den bastap 9-shy iske qosý keshenderi Ońtústik-Shyǵys, Jeleznodorojnyı turǵyn úı alaptaryna gaz jetkizýdi kózdeıtindigin aıtty. Bul baǵytta osy jyldyń sońyna deıin 9 shaqyrym qubyr ónimderi jetkizilmek.

«Birinshi kezeń men 9-iske qosý kesheni qurylysynyń tolyqtaı aıaqtalýy kelesi jyldyń jylý berý maýsymyna, ıaǵnı 2020 jyldyń kúzine josparlanǵan», - dedi ol.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT