Elordalyqtar gazdyń 1 myń tekshe metrine 38 697 teńge tóleıdi
2022 jylǵy 17 tamyz 13:06

Elordalyqtar gazdyń 1 myń tekshe metrine 38 697 teńge tóleıdi

NUR-SULTAN. QazAqparat – Elorda turǵyndary gazdyń bir myń tekshe metrine 38 697 teńge tóleıdi. Bul týraly «QazTransGaz Aımaq» AQ Astana óndiristik fılalynyń dırektory Shota Shalov aıtty, dep habarlaıdy QazAqparat tilshisi.

«Búgingi tańda qala turǵyndary gazdyń bir myń tekshe metrine 38 697 teńge tóleıdi», - dedi ol elorda ákimdiginde ótken baspasóz máslıhatynda BAQ ókilderiniń saýalyna oraı.

Onyń atap ótýinshe, búginde qala aýmaǵyna 650 shaqyrym gaz qubyry tartylyp, paıdalanýǵa berildi. Tutynýshylarǵa 5 431 tehnıkalyq shart berilip, 4 599 otbasy kógildir otyndy qoldanyp otyr. Shilde aıynda 507 abonent gazǵa qosyldy.

«Bıyl Nur-Sultan qalasyn gazdandyrý erekshe qarqyn aldy. Oǵan «QazaqGaz» ulttyq kompanııasynyń Nur-Sultan qalasy ákimdigimen birlesip, gazdandyrý protsesin jeńildetýge baǵyttalǵan birneshe bastamasy sebep boldy. Turmystyq tutynshylarǵa yńǵaıly bolýy úshin tehnıkalyq sharttardy alýǵa qajetti qujattar tizimi eki ese qysqartyldy. Tehnıkalyq sharttardy jedel alýdyń birneshe baǵyty aıqyndaldy. Nátıjesinde tehnıkalyq shart berý 5 kúnnen 15-20 mınýtqa deıin qysqardy. Tehnıkalyq shartty alýǵa jáne berýge ótinimdi qabyldaýdyń onlaın qyzmeti iske qosyldy», - dedi Shota Shalov.

Eske salsaq, qala ákimi ár aýdandaǵy kógillir otynmen qamtý jumystarynyń kólemi týraly aıtqan bolatyn.


Foto: verelq.am




Uqsas jańalyqtar
Seriktester jańalyqtary

Jańalyqtar

Úrdis

MURAǴAT