+7 (701) 759 90 19
USD 425.59 EUR 505.43
RUB 5.61 CNY 64.83
Jańalyqtar

Elordalyq júrgizýshi kólik nómirin aýystyryp jiberetin qurylǵy taǵyp alǵan

2020 jylǵy 19 qazan 21:01
Bólisińiz:
Elordalyq júrgizýshi kólik nómirin aýystyryp jiberetin qurylǵy taǵyp alǵan

NUR-SULTAN. QazAqparat – Elordada júrgizýshi qozǵalys ústinde kólik nómirin basqasyna aýystyryp jiberetin qurylǵyny paıdalanǵan, dep habarlaıdy QazAqparat tilshisi.

Jedel baqylaý ortalyǵynyń ınspektorlary vıdeokameramen qala aýmaǵyn sholǵyndaý barysynda nómir belgisi búrkelengen «Mersedes» kóligin baıqap qalǵan. Avtomobıl «Almaty» bıznes ortalyǵy mańynda nazarǵa túsken. Sol jerge jiberilgen avtopatrýl anyqtaǵandaı, 27 jastaǵy júrgizýshi kólik nómirine arnaıy ramka taǵyp alǵan. Bul qurylǵy kólik júrip kele jatqanda nómirdi qolma-qol basqasyna aýystyryp jiberedi.

«Mán-jaıdy anyqtaý barysynda júrgizýshi jaýapkershilikten barynsha jaltarýǵa tyrysty. Azamat polıtsııa qyzmetkerleriniń birneshe márte avtomobılge qatysty jáne óziniń jeke qujattaryn kórsetý talabynan bas tartty. Memlekettik tirkeý nómiri belgilerin sáıkestendirýge kedergi keltiretin arnaýly qurylǵylarmen kólikti basqarǵany úshin júrgizýshi QR Ákimshilik quqyq buzýshylyq kodesiniń 590-babymen jaýapkershilikke tartyldy. Buǵan qosa, jas jigit bir jyldyń ishinde júrgizýshi kýáliginsiz kólikti júrgizgeni úshin QR ÁQBtK-tiń 612-babymen ákimshilik jaýapkershilikke tartylyp otyr. Quqyq buzýshynyń kóligi kommýnaldyq avtomobıl turaǵyna qoıyldy», - dep atap ótedi departamentten.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT