+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Elordalyq turǵyndar úıde tyshqan órip júrgenin aıtyp shaǵymdandy

2020 jylǵy 17 qańtar 10:21
Bólisińiz:
Elordalyq turǵyndar úıde tyshqan órip júrgenin aıtyp shaǵymdandy

NUR-SULTAN. QazAqparat - Redaktsııamyzǵa habarlasqan Nur-Sultan qalasyndaǵy «Tabysty» turǵyn úı kesheniniń turǵyndary sheshimi tabylmaı kele jatqan birqatar másele baryn aıtty. Máselen, olar qaı ýaqyttan bastap kommýnaldyq qyzmetterge jeke tulǵalarǵa arnalǵan tarıf boıynsha tólem jasaıtynyn bilgisi keledi, dep habarlaıdy QazAqparat tilshisi.

«Tabysty» turǵyn úı kesheni turǵyndarynyń jazbasha suraqtaryna Nur-Sultan qalasynyń qalalyq orta sapasy jáne baqylaý basqarmasy basshysynyń orynbasary Oksana Ibraeva jaýap berdi.

«Tabysty» turǵyn úıiniń bas merdigeri – «Kompanııa Novye Okna» JShS. «Tabysty» turǵyn úıi, 2a blogy turǵyndarynyń aıtýynsha, eki jyl qatarynan tyshqandarmen kúresýde. Jeke páter ıeleri kooperatıvi (KSK) qarasha aıynda arnaıy mamandardy shaqyryp, bir ret ýlaǵanmen, nátıje joq. Al aı saıyn ýlaýǵa qarajat joq deıdi olar.

«Merdiger «Jer Bıldıng» JShS ókilderi turǵyn úıde eshqandaı tyshqan joq ekenin aıtty. Budan bólek, kemirgishterdiń, ózge de zııankesterdiń paıda bolýynyń aldyn alý maqsatynda turǵyn úıge josparly dezınfektsııa júrgizilgen», - deıdi Oksana Ibraeva.

Turǵyndar qys mezgilinde turǵyn úıdiń jarty bóligi – ystyq, jarty bóligi – salqyn bolyp turatynyn aıtyp, bul jaǵdaıdy qalaı retke keltirýge bolatynyn surady.

«Qurylys júrgizgen «Jer Bıldıng» JShS málimetinshe, turǵyn úı qurylys normalary men qaǵıdalaryna sáıkes salynǵan, QR zańnama talaptaryna saı, barlyq ýákiletti tulǵalarmen bekitilgen jáne ýákiletti organdarda tıisti tirkeýden ótken qabyldaý aktisi boıynsha paıdalanýǵa tapsyrylǵan. Páterler qara árleýde tapsyrylǵan, taza árleý boıynsha jóndeý jumystaryn turǵyndar ózderi júzege asyrady, qurylys salýshynyń da, merdigerdiń de jóndeý jumystaryna eshqandaı qatysy joq, sáıkesinshe, páterlerdi taza árleý boıynsha sapasyz jóndeý jumystary oryndalǵan páterlerde ǵana sýyq», - deıdi basshy orynbasary.

Turǵyn úı zańdy tulǵa bolyp tirkelgendikten, eki jyl qatarynan jylý, jaryq, sý úshin ádettegi mólsherden 2-3 ese kóp tólep otyr. Sol sebepti úı turǵyndary qaı ýaqyttan bastap kommýnaldyq qyzmetterge jeke tulǵalarǵa arnalǵan tarıf boıynsha tólem jasaıtynyn bilgisi keledi.

«Qazirgi ýaqytta turǵyndar kommýnaldyq qyzmetterge zańdy tulǵalarǵa arnalǵan tarıfpen tóleıdi. Qazir qurylys salýshy qalanyń tıisti kommýnaldyq qyzmetteriniń teńgerimine berý maqsatynda osy úıdiń syrtqy ınjenerlik jelilerin paıdalanýǵa engizip jatyr. Osy qyzmetterdiń eskertýleri óńdelýde. Osy jumys aıaqtalǵan soń tikeleı turǵyndarmen kommýnaldyq qyzmetter tólemi boıynsha shart qaıta jasalady jáne kommýnaldyq qyzmet aqysy jeke tulǵalarǵa arnalǵan tarıf boıynsha esepteletin bolady», - deıdi O.Ibraeva.

Sondaı-aq, Oksana Ibraevanyń aıtýynsha, turǵyn úıdi salýshy aldaǵy demalys kúnderi barlyq týyndaǵan suraqtardy túsindirý maqsatynda úıdiń turǵyndarymen kezdesý uıymdastyrylatynyn habarlaǵan.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT