+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

Elordalyq sportshylar Dýbaıdaǵy halyqaralyq týrnırde 11 altyn medal enshiledi

2021 jylǵy 12 shilde 04:20
Bólisińiz:
Elordalyq sportshylar Dýbaıdaǵy halyqaralyq týrnırde 11 altyn medal enshiledi

DÝBAI. QazAqparat - Birikken Arab Ámirlikteriniń astanasy Dýbaıda 9-10 shilde kúnderi djıý-djıtsýdan halyqaralyq týrnır ótti. Álemniń 15 elinen myńnan asa sportshy «GI» jáne «NO GI» boıynsha baq synady, dep habarlaıdy QazAqparat elorda ákimdiginiń resmı saıtyna silteme jasap.

Uqsas jańalyqtar
Elordada qurylys alańyndaǵy qoqystan órt shyqty Beınetaspaǵa túsirip, jaýap aldy: Kásipkerler salyq organdarynyń ilki jobasyna narazy Golovkın kúzge josparlanǵan aıqasynan aıyrylyp qaldy

Baıraqty básekede elordalyq sportshylar qarsylas shaq keltirmeı, 11 altyn, 1 kúmis 1 qola medal enshiledi.

Djıý-djıtsýdan Nur-Sultan qalasynyń aǵa jattyqtyrýshysy Armanjan Rýzahýnov sportshylardyń nátıjesine óz baǵasyn berdi.

«Jarys óte joǵary deńgeıde ótti. Sportshylardyń daıyndyǵy da kóńil qýantty. Nur-Sultan qalasynan barǵan 11 sportshymyzdyń bári júldeli boldy. Bul biz úshin óte úlken kórsetkish», – dedi Armanjan Rýzahýnov.

Dúbirli dodada ulttyq qurama músheleri Islam Mamılov (77 kg) pen Galına Dývanova (55kg) óz salmaq dárejesinde altynnan alqa taqsa, Nurjan Batyrbekov «NO GI» sanatynda birinshi oryn, al «GI»-da ekinshi oryn aldy.

Sondaı-aq jasóspirimder arasynda ulttyq qurama músheleri Álibek Abýlhaıyr (60 kg) men Tomırıs Bekmýrzına (52 kg) jarystyń altyn júldesin jeńip aldy.

Arman Satybaldın (62 kg), Ashat Nurgajınov (77 kg), Azamat Istambekov (69 kg), Ásel Adamova (55 kg), Rústem Karımov (85 kg), Abdýrahman Samarhanov (66 kg) jeńimpaz atanyp, Ánuranymyzdy asqaqtatsa, Adambek Narımanov 94 keli salmaqta qola júldege qol jetkizdi.

Osylaısha Nur-Sultan qalasynyń sportshylary halyqaralyq básekede qurama qorjynyna 13 medal salyp, el mereıin ústem etti.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT