Elordalyq polıtseıler sheteldik jumys kúshin tartý erejesin buzǵany úshin 37 adamǵa shara qoldandy
2022 jylǵy 2 shilde 17:36

Elordalyq polıtseıler sheteldik jumys kúshin tartý erejesin buzǵany úshin 37 adamǵa shara qoldandy

NUR-SULTAN. QazAqparat - Elorda aýmaǵynda 27 maýsymynan 4 shildege deıin zańsyz kóshi-qon arnalaryn anyqtaý jáne jolyn kesý maqsatynda «Nelegal-2022» jedel aldyn alý is-sharasy ótkizilip jatyr, dep habarlaıdy QazAqparat Nur-Sultan qalalyq PD baspasóz qyzmetine silteme jasap.

Jedel aldyn alý is-sharasy bastalǵannan beri elordalyq garnızonnyń qyzmetkerleri sheteldik azamattardyń elde júrý erejesin buzýdyń 736 faktisin anyqtady. Sheteldik jumys kúshin tartý erejelerin buzǵany úshin Qazaqstannyń 37 azamatyna ákimshilik jaýapkershilik boıynsha shara qoldanyldy.

«Máselen, aǵymdaǵy jyldyń 29 maýsymynda saǵat 19:00-de Saryarqa aýdandyq PB Kóshi-qon qyzmeti bóliminiń qyzmetkerleri jarnamamen aınalysatyn elordalyq JShS-niń dırektory, 34 jastaǵy qala turǵynyn ustady. 2021 jyldyń qarasha aıynan bastap áıel óz JShS-inde 106 sheteldik azamatqa bir jyl merzimge menedjer laýazymynda jumys isteýge ruqsatty zańsyz rásimdegen. Sonymen qatar, jyl basynan beri óz atynan 935 adamǵa shetel azamattarynyń QR-na kelýi týraly habarlama tústi. Qazirgi ýaqytta zańsyz kóshi-qondy uıymdastyrý faktisi boıynsha sotqa deıingi tergeý júrgizilip jatyr», - delingen departamenttiń baspasóz málimdemesinde.

Aldyn alý is-sharasyn júrgizý kezinde elden 58 sheteldik shyǵaryldy, qabyldaý-taratý ornyna 204 TMD jáne alys shetel azamattary ornalastyryldy. Shekarany zańsyz kesip ótýdiń 4 faktisi anyqtaldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT