+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Elordalyq kishkentaı tennısshi Ispanııada ótken týrnırde top jardy

2019 jylǵy 10 jeltoqsan 15:49
Bólisińiz:
Elordalyq kishkentaı tennısshi Ispanııada ótken týrnırde top jardy

NUR-SULTAN. QazAqparat - Elordalyq Tomırıs Nurjan Ispanııada ótken jasóspirimder arasyndaǵy týrnırde top jardy, dep habarlaıdy QazAqparat kóliktegi polıtsııa departamentine silteme jasap.

Uqsas jańalyqtar
Tennısshi Elena Rybakına Strasbýrg týrnıriniń fınalynda utylyp qaldy Tennıs: Býblık Gambýrg týrnıriniń jartylaı fınalyna shyǵa almady Tennıs: Dmıtrıı Popko Rolan Garros týrnırinde utylyp qaldy

2-8 jeltoqsan aralyǵynda Ispanııanyń Manakor qalasynda Rafael Nadaldyń Rafa Nadal Academy tennıs akademııasynda jasóspirimder arasynda jyl saıynǵy Ten-Pro Global Junior Tour týrnıri ótti. Týrnırge 51 elden 275 jasóspirim qatysty.

10 jasqa deıingi sanatta birinshi oryndy Nur-Sultan qalasynyń tennısshisi Tomırıs Nurjan ıelendi. Ol - qazirgi ýaqytta osy sanattaǵy Qazaqstannyń birinshi raketkasy.

Rafael Nadal akademııasy tennıs pen bilimdi biriktirgen, aty ańyzǵa aınalǵan oıynshynyń týǵan qalasynda ornalasqan. Oqýshylar munda kásibı sportta óz jolyn jalǵastyryp, dástúrli bilim alady. Akademııanyń tennıste kóp jyldar boıy Nadal jáne onyń komandasy jınaǵan tájirıbege negizdelgen, jeke oqytý júıesi bar.

Tomırıs ákesi sııaqty sportqa óte jaqyn. Ákesi Talǵat Qojabaev - kóliktegi polıtsııa departamentiniń arnaıy jáne jumyldyrý daıarlyq basqarmasynyń bastyǵy, polıtsııa podpolkovnıgi. Jumys barysynda Talǵat departament qyzmetkerleriniń jaýyngerlik jáne dene shynyqtyrý daıyndyǵyn qadaǵalap, basqarady. Mundaı sporttyq tásil podpolkovnıktiń otbasynda da bar.

«Men qyzymdy maqtan tutamyn. Mundaı bedeldi týrnırde birinshi oryn ıelený – óziniń ǵana jeńisi emes, búkil Qazaqstannyń jeńisi», - dep biledi baqytty áke.

Talǵat Qojabaev - halyqaralyq dárejedegi sport sheberi, kúsh qurylymdary arasynda úsh dúrkin álem chempıony. Qazaq kúresinen, sambodan jáne dzıýdodan birneshe ret chempıon atanǵan.

Ákesiniń jetistikteri Tomırıs úshin sportta maqsatyna jetýge úlken yqpalyn tıgizgen.

Fınalda eki qazaqstandyq kezdesti. 6:4, 3:6, 6:3 esebimen oıyn Tomırıstiń paıdasyna sheshilip, jeńiske jetti.

Bizdiń respýblıkamyzdyń namysyn qorǵaýǵa Qazaqstannyń ár qalasynan 12 bala bardy.

Týrnırdiń aqtyq kezeńine shyǵý úshin otandasymyz Malta, Belgııa, Makedonııa jáne Shveıtsarııa elderinen kelgen balalardy jeńip shyqty.

Departament basshylyǵy men jeke quramy Tomırısti jetistikterimen quttyqtaı otyryp, halyqaralyq arenada odan ári jeńisterge, mol tabystarǵa jetýin tileıdi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT