+7 (701) 759 90 19
USD 388.70 EUR 428.70
RUB 6.08 CNY 55.46
Jańalyqtar

Elordalyq belsendiler turmystyq zorlyq-zombylyqqa qarsy mıtıngke shyqty

2019 jylǵy 19 qazan 14:18
Bólisińiz:
Elordalyq belsendiler turmystyq zorlyq-zombylyqqa qarsy mıtıngke shyqty

NUR-SULTAN. QazAqparat - Búgin Nur-Sultanda azamattyq belsendiler turmystyq zorlyq-zombylyqqa qarsy mıtıngke shyqty. Beıbit aktsııa «Jeruıyq» saıabaǵynda 250-ge jýyq adamnyń qatysýymen ótti, dep habarlaıdy QazAqparat.

Uqsas jańalyqtar
Elorda men Almatyda zańsyz sherýge shyqqandar ustaldy Mıtıngige balamen barǵandarǵa jaýapkershilik kúsheıtilmek Arýjan Saın balalardy mıtıngke alyp shyqpaýdy surady

Sharaǵa qoǵamdyq birlestikter, tanymal qoǵam qaıratkerleri men atalǵan máselege beı-jaı qaramaıtyn azamattar qatysty.

Uıymdastyrýshylardyń aıtýynsha, beıbit mıtıngtin maqsaty qoǵamnyń nazaryn otbasy qundylyqtaryn saqtaýǵa, bir-birine syılastyqpen qarap, áıelder men balalardyń quqyǵyn qorǵaýǵa arnalǵan.


«Ardager» qoǵamdyq birlestiginiń tóraıymy Baıan Ahmetjanova áıelder men balalar ózderin qaýipsiz sezinýi úshin qazaqstandyqtardy turmystyq zorlyq-zombylyqqa qarsy kúresýge shaqyrdy.

«Bul jerge kelýimizge qalada bolǵan qaıǵyly oqıǵa sebep boldy. 6 qazan kúni bolǵan otbasylyq urys-keris kezinde kúıeýi áıelin qala syrtyna aparyp, ústine benzın quıyp órtep jiberdi. Ol áıel moraldi túrde de, fızıkalyq túrde de zardap shekti. Qazir zardap shekken áıel ólim men ómir ortasynda jatyr. Kóp áıelder turmysyq zorlyq-zombylyq kórse qaıda habarlasatynyn bilmeıdi. Eger turmystyq zorlyq-zombylyq oryn alsa, dereý polıtsııaǵa nemese qoǵamdyq uıymdarǵa habar berý kerek. Qalada ondaı uıymdar jetkilikti. Eger sizderge sol uıymdardyń baılanys nómiri kerek bolsa, biz ony berýge daıynbyz», - dedi ol.

«Aýǵanstan soǵys ardagerleriniń keńesi» tóraǵasynyń orynbasary Mıranbek Túlekbaev bireýdiń óz otbasynda zorlyq kórýine jol berip qoıyp, biz jas urpaqtyń bolashaǵyn bulyńǵyr etemiz dedi.


«Otbasydaǵy zorlyqqa jol berý - qoǵamnyń degradatsııaǵa ushyraýyna jol berý degen sóz. Ózderińiz bilesizder, ár otbasy kishigirim sotsıým. Onda bolyp jatqan nárseler qoǵamda oryn alady», - dedi aýǵan soǵysynyń ardageri.

«Nur-Sultan qalasynyń Chernobl odaǵy» QB tóraǵasy Qýandyq Omarbaev sherýge qatysýshylardyń nazaryn qoǵamdaǵy ákeniń rólin kóterýge aýdardy.

«Er azamat otbasynyń kóz aldynda, ásirese balalary úshin úlgi bolyp sanalady. Ókinishke qaraı, bul qazir protsess keri ketti. Er azamattar óz boıyndaǵy jaqsy qasıetterin kórsete bermeıdi. Sondyqtan, barlyq azamattarǵa qaratyp aıtamyn, otbasy degenimiz – januıa. Januıa degen mahabbat pen bir-birine degen syılastyq bolýy tıis uıa. Er azamat – ol qorǵan. Otbasyndaǵy barlyq áıelder súıikti ári qadirli bolsa eken deımin. Al áıelge qol kóteretin ol erkek emes. Sebebi, er azamat ol myqty ári sypaıy bolýy kerek», - dedi Q.Omarbekov.

Zańger Áıgerim Qaldyǵulova turmystyq zorlyq-zombylyqqa tap bolǵan áıelderge quqyqtyq jáne konsýltatsııalyq kómek kórsetti.

Onyń aıtýynsha, kóptegen erler ajyrasqan soń jumys istep, alaıda alıment tólemes úshin tabysyn jasyrady. Zańger osy oraıda barlyq áıelderdi zań jaǵynan saýatty bolyp, alıment tólettirip, óz quqyqtaryn qorǵaýǵa shaqyrdy.

Otbasy qundylyqtaryn saqtaý týraly «BALAUSA CLUB» QB jetekshisi Kılara Aldanysh ta kóterdi.

«Men kópbalaly anamyn, tórt bala tárbıelep otyrmyn. Otbasy qundylyǵy men dástúrleriniń aıaqasty bolǵanyn kórý óte aýyr. Bńz balalardyń tárbıesine jaýaptymyz. Ol bizdiń elimizdiń bolashaǵyna baılanysty. Eger balalar otbasynda zorlyq-zmbylyq kórmese, keıin óziniń otbasynda da oǵan jol bermeıdi. «Ne ekseń, sony orasyń» degen halyq danalyǵy tegin aıtylmaǵan», - dedi K.Aldanysh.

Mıtıng kezinde «Ońaltý tehnologııalary jáne kontseptsııalary» QQ-nyń dırektory Orynbasar Quljabaeva, quqyq qorǵaýshy Qabı Rýstam jáne taǵy basqalary qatysty.

Qatysýshylar Qazaqstan turǵyndaryn otbasy qundylyqtaryn saqtaýǵa jáne áıelder, qarttar men balalarǵa qatysty jasalǵan zombylyq faktilerin obektıvti tergeýdi qamtamasyz etýge shaqyrdy. Beıbit mıtıngke qatysqandardyń barlyǵy qoǵamda turmystyq zorlyq-zombylyqqa jol berýge jol berýge bolmaıtynyn aıtyp, oǵan qarsy kúreske birigýge shaqyrdy.

Eske sala keteıik, áleýmettik jelilerde elorda turǵyny Anar Bitebaeva óz paraqshasynda qalalyq ákimdik 19 qazanda saǵat 10.00-11.30 aralyǵynda Jeruıyq saıabaǵynyń soltústik-batys bóliginde beıbit mıtıng ótkizýge ruqsat bergenin habarlaǵan bolatyn.








Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT