Elordalyq «Barys» aldaǵy maýsymǵa daıyndyq josparyn bekitti
2022 jylǵy 28 maýsym 14:51

Elordalyq «Barys» aldaǵy maýsymǵa daıyndyq josparyn bekitti

NUR-SULTAN. QazAqparat - Shaıbaly hokkeıden elordalyq «Barys» aldaǵy maýsymǵa daıyndyq josparyn bekitti. Komanda demalystan 14 shildede shyǵady, dep habarlaıdy QazAqparat tilshisi.

Alǵashqy eki kúnde hokkeıshiler medıtsınalyq tekserýden ótedi. Al 16 shildege test tapsyrý josparlanǵan. Sodan keıin elordada 17 shildeden 15 tamyzǵa deıin oqý-jattyǵý jıynynyń birinshi kezeńi bastalady.

Komanda 16-20 tamyz aralyǵynda Qazaqstan Respýblıkasy Prezıdentiniń Kýbogynda oınaıdy. Týrnırge Reseıdiń «Avtomobılıst», «Metallýrg» (Magnıtogorsk), «Neftehımık» (Nıjnekamsk) jáne Qytaıyń «Kýnlýn Red Star» (Beıjiń) komandalary qatysady.

Kelesi kezekte 21-23 tamyz aralyǵynda «Barys-Arenada» oqý-jattyǵý jıynynyń ekinshi kezeńi ótedi.

«Barys» 24-27 tamyz aralyǵynda Reseıdiń Chelıabi oblysy gýbernatorynyń kýbogynda oıyn kórsetedi. Qarsylastary - Reseıdiń «Metallýrg» (Magnıtogorsk), «Avtomobılıst» (Ekaterınbýrg) jáne «Traktor» (Chelıabi).

Qurlyqtyq hokkeı lıgasy maýsymynyń ashylýy 1 qyrkúıekke belgilengen.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT