+7 (701) 759 90 19
USD 376.42 EUR 417.41
RUB 6.09 CNY 54.54
Jańalyqtar

Elordalyq arýlar balalarǵa erekshe kóńil-kúı syılady

2019 jylǵy 16 jeltoqsan 13:31
Bólisińiz:
Elordalyq arýlar balalarǵa erekshe kóńil-kúı syılady

NUR-SULTAN. QazAqparat - «Sulýlyq ıgi isten bastalady». «Astana arýy 2020» sulýlyq saıysynyń fınalyna shyqqan arýlar birqatar qaıyrymdylyq aktsııalaryna qatysty. Bul jóninde baıqaýdyń baspasóz qyzmetine silteme jasap QazAqparat habarlaıdy.

Uqsas jańalyqtar
Qyzylordada qaıyrymdylyq telemarafony ótti Jambyl oblysynda 13 qaıyrymdylyq dúkeni jumys isteıdi SQO-da medsaqtandyrý ujymy mereke toılaýdyń ornyna balalarǵa qýanysh syılady

Memlekettiń, bıznes pen qoǵamnyń áleýmettik seriktestigi eldiń turaqty damýyna jáne álemdegi básekege qabiletti otyz eldiń qataryna qosylý úshin asa mańyzdy ekeni anyq. Bunyń barlyǵy ár azamattyń jeke áleýmettik jaýapkershiliginen bastalady. Al astanalyq jıyrma arýdyń áleýmettik bastamasy ózgelerge erekshe motıvatsııa men ónege dep aıtýǵa ábden bolady.

«Jaqsylyq jasaýdy qazir basta» prıntsıpin negizge ala otyryp, baıqaýǵa qatysýshy arýlar óz áreketterimen «qaıyrymdylyq jasaý úshin qarjynyń bolýy shart emes» ekenin dáleldep keledi. Keıde muqtaj jandarǵa qol ushyn sozý úshin jeke resýrstar da jetkilikti.

Máselen, demalys kúnderi konkýrsqa qatysýshylar elordadaǵy «SOS balalar aýyly» tárbıelenýshilerin «Muzdy ólke-2» mýltıplıkatsııalyq fılmin tamashalaýǵa Kinopark kınoteatryna shaqyrdy. Anna jáne Elza hanshaıymdar men olardyń dostary bastan keshirgen qyzyqqa toly oqıǵalar jaıly ertegi balalardy keremet kóńil-kúıge bóledi.


«Bul - meniń súıikti mýltfılmim. Ekinshi bólimin asyǵa kútken edim. Keıipkerlerdiń barlyǵy unaıdy, ásirese, Elza! Sebebi óte ádemi. Búgin qyzdardyń tájin qolyma ustap, ózimdi hanshaıym sezindim», - dep kishkentaı Qaraqat óz emotsııasyn bólisti.

Kelesi kúni arýlar Nur-Sultan qalasyndaǵy «№2 arnaıy mektebine» baryp, tárbıelenýshiler úshin ózindik art-terapııa uıymdastyrdy. Qyzdar óz qarjysyna qajetti quraldardy satyp alyp, oqýshylarmen birge jańa jyldyq ashyq hattardy daıyndady.



«Balalar meni shabyttandyrdy. Olar - daryndy, ónerli ári sondaı aqjarqyn. Olar meni qanshalyqty tolǵandyrǵanyn sózben aıtyp jetkize almaımyn», - deıdi «Astana arýy» baıqaýynyń qatysýshysy Aızada Habıbollaeva.

Birlesken art-terapııa jańa talanttardy ashyp qana qoımaı, balalardyń kókjıegin keńitip, mereke aldynda erekshe kóńil-kúı syılady. Bul – jaqsy is jasaý úshin qomaqty qarjy emes, jeke ýaqyt pen kóńil bólýdiń jetkilikti ekenin ańǵartady.

Baıqaýǵa qatysýshylar «Zamandas» otbasylyq aýla klýbynyń bóbekterine de jańa jyldyq kóńil kúı syılady.

«Biz balalarmen birge ádemi jańa jyldyq oıynshyqtar jasadyq. Al sońynda birlesip úlken shyrshany bezendirdik. Balalar úshin bul naǵyz mereke boldy, al biz qyzdarmen osy is arqyly sheksiz pozıtıv pen keremet energııa aldyq» - deıdi saıysqa qatysýshysy Nargıs Shonızorova.



Qaıyrymdylyq aktsııalarynyń kelesi kezeńi «28 petel» qoǵamdyq qoryna praktıkalyq kómek kórsetý boldy. Qor salmaǵy nebári 500 gramm bolyp shala týǵan sábılerge qoldaý kórsetedi. Bundaı jaǵdaıda aman qalý óte qıyn, sábıge shyn máninde jylý qajet.

« Arnaıy ınkýbatorda erte týǵan sábıler avtomatty kıslorodpen qamtamasyz etiledi. Degenmen jylý almasý durys bolmaǵandyqtan, keshendi medıtsınalyq sharalarmen qatar, sábılerge jan jylýy qajet, – deıdi qazaqstandyq qordyń negizin qalaýshy Karla Nur. — Bizdiń eriktiler erte týǵan sábılerge kıim-keshekterdi arnaıy taza júnnen toqyp, sábılerge jylý men ózdiginen dem alýǵa múmkindik beredi. Jylýdan bólek, jún talshyqtary terige jaǵymdy áser etip, ózindik massaj jasaǵandaı qozǵalys motorıkasyn jetildiredi».


« Seniń qolyńda alaqandaı sábıdiń taǵdyry bar ekenin bilý - úlken jaýapkershilik» – degen «Astana arýy» baıqaýynyń qatysýshysy Aıym Imasheva kóz jasyn jasyra almady. - Men munda óz qolymmen kıim-keshek toqý úshin qajettiniń bárin alyp keldim. Sábılerdi kórgen kezde erekshe tolqyp, tipti qoldarym dirildedi. Bastysy, shulyqty úlken mahabbatpen toqydym».

Alǵash qurylǵaly beri «28 petel» qoǵamdyq qory toǵyz elde óz fılıalyn ashty. Olar: Qazaqstan (18 qalada), Ózbekstan, Latvııa, Reseı, Qyrǵyzstan, Ýkraına, Ázerbaıjan, Grýzııa jáne Belarýs. Jeti jyldyń ishinde osy elderdiń ana men bala ortalyqtaryna 134 673 sábı kıimi jetkizilgen.

«Astana arýy» qatysýshylary úshin qalalyq qan ortalyǵyna barý –mańyzdy tájirbıe boldy. Qyzdar erikti donor atanbas buryn, salmaq, qandaǵy gemoglobın mólsheri jáne basqa da ómirlik mańyzdy kórsetkishker tolyq eskeriletin medıtsınalyq tekseristen ótti. Dárigerleriniń sózinshe, Ortalyqqa qan kúndelikti qajet jáne arýlar erikti donor ataný arqyly ózgelerge úlgi boldy. Múmkin, naqty siz tapsyrǵan qan erteń bireýdiń ómirin qutqarýǵa sep bolady.



Kishigirim ıgi isterdiń qatary artatyny sózsiz. Sebebi «Astana arýy» uıymdastyrý komıteti qazirgi ýaqytta BUU (ıÝNISEF) Balalar qorymen birlesip #ItsAllAboutAbility (Barlyǵy da múmkindikterge baılanysty) atty erekshe qajettilikteri bar búldirshinderdi qoldaýǵa arnalǵan aqparattyq kampanııasyn júzege asyrýǵa atsalysyp jatqan «Samruk-Kazyna Trust» áleýmettik jobalardy damytý qorymen yntymaqtastyq ornatty. Bul bastamanyń maqsaty – balalar quyǵyn qorǵaý, olar úshin sportpen aınalysý múmkindikterin jasaý máselelerine qoǵamnyń nazaryn aýdarý.

#ItsAllAboutAbility atty erekshe qajettilikteri bar balalardy qorǵaýǵa arnalǵan aqparattyq kampanııa Qazaqstanda 2019 jyldyń 8 qazan kúni bastaldy. Jobany túrli baǵyttarda qyzmet atqaratyn mekemeler qoldaıdy.

#ItsAllAboutAbility kampanııasyna kez kelgen mekeme nemese qarapaıym belsendi azamat qosyla alady. Qosymsha vızýaldy aqparat (logotıpter, shrıfter) alý úshin «Samruk-Kazyna Trust» qoryna habarlasýǵa bolady.

Esterińizge sala keteıik, «Astana arýy 2020» konkýrsynyń fınaly 18 jeltoqsan kúni QazMedıa Ortalyǵynda ótedi.

Bizdiń kanalymyzǵa jazylyńyz:

Basty sózder: Qaıyrymdylyq, Jaqsylyq jasa,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT