Elordalyq 8 qabatta terezeden salbyrap turǵan búldirshindi qutqardy
2022 jylǵy 11 mamyr 12:18

Elordalyq 8 qabatta terezeden salbyrap turǵan búldirshindi qutqardy

NUR-SULTAN. QazAqparat – Elorda turǵyny Sábıt Shontaqbaev kóppáterli úıdiń 8 qabatynda balkonda salbyrap turǵan búldirshindi qutqardy. Bul jaıynda Nur-Sultan qalalyq tótenshe jaǵdaılar departamentinen málim etti, dep habarlaıdy QazAqparat tilshisi.

Vedomstvo málimetinshe, Uly dala kóshesindegi 27-1 úıdiń 9 qabatynda kishkentaı balanyń salbyrap turǵany týraly habarlama keshe saǵat 10-21-de túsken. Shaqyrtý ornyna Tótenshe jaǵdaılar departamentiniń 7 mamany men 2 tehnıkasy jiberilgen.


«Oqıǵa ornyna jetkennen keıin 8 qabattaǵy balkonnnyń erneýinde salbyrap turǵan búldirshindi tómenge qabatta turatyn er adamnyń qutqarǵany anyqtaldy. 2019 jyly dúnıege kelgen qyz bala oqıǵa oryn alǵan sátte úıde ata-anasymen birge bolǵan. Biraq balanyń balkonda júrgenin ata-anasy bilmegen. Baqytymyzǵa oraı, 7 qabatta turatyn 1985 jyly dúnıege kelgen Sábıt Shontaqbaev balkon erneýinde salbyrap, jylap turǵan qyzdy kórip, oılanbastap óz ómirin qaterge tyǵyp, sanaýly sátterdiń ishinde búldirshindi ustap qaldy», - delingen taratylǵan aqparatta.

Departament málimetinshe, Sábıt Shontaqbaev batyldyq tanytyp, erlik kórsetkeni úshin nagradaǵa usynylady.


Seriktester jańalyqtary

Jańalyqtar

Úrdis

MURAǴAT