Elordadaǵy Qoshqarbaev dańǵyly ýaqytsha jabyldy
2022 jylǵy 1 shilde 01:21

Elordadaǵy Qoshqarbaev dańǵyly ýaqytsha jabyldy

NUR-SULTAN. QazAqparat - Elordadaǵy Raqymjan Qoshqarbaev dańǵylynyń jol tósemin ortasha jóndeý jumystary bastaldy, dep habarlaıdy QazAqparat.

Bul týraly Nur-Sultan qalasynyń Kólik jáne jol-kólik ınfraqurylymyn damytý basqarmasy jol qozǵalysy qaýipsizdigin qamtamasyz etý maqsatynda Polıtsııa departamenti ákimshilik polıtsııa basqarmasynyń kelisimimen málimdedi.

«Osyǵan baılanysty 30 maýsym men 5 shilde aralyǵynda Qordaı kóshesinen Shákárim Qudaıberdiuly dańǵylyna deıingi ýchaskede avtokólik quraldary úshin qozǵalys tolyǵymen jabylatyn bolady.

Elorda turǵyndary men qonaqtary qala joldarynda keptelis týdyrmaý úshin qozǵalys baǵyttaryn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystaryn júrgizýge túsinistikpen qaraýdy ótinemiz», - dep jazdy vedomstvodan.


Uqsas jańalyqtar

Jańalyqtar

Úrdis

MURAǴAT