Elordadaǵy «Qazaqstan» sport keshenin jóndeý jumysy jaqynda bastalady
2022 jylǵy 30 maýsym 12:30

Elordadaǵy «Qazaqstan» sport keshenin jóndeý jumysy jaqynda bastalady

NUR-SULTAN. QazAqparat – Elordadaǵy «Qazaqstan» sport keshenin jóndeý jumystary taıaýda bastalady. Bul týraly Nur-Sultan qalasy ákiminiń orynbasary Eset Báıken aıtty, dep habarlaıdy QazAqparat tilshisi.

«Densaýlyq saqtaý salasynda Qoshqarbaev kóshesi boıynda referenttik terapııa jáne gemokorrektsııa ortalyǵyn ashý jáne Nájimıdenov kóshesi boıynda amblýatorlyq-klınıkalyq kómek kórsetetin otbasylyq densaýlyq saqtaý ortalyǵyn qurý boıynsha memlekettiń mindettemesinsiz memlekettik-jekeshelik áriptestiktiń 2 kelisimsharty jasaldy», - dedi qalalyq máslıhattyń keńeıtilgen otyrysynda.

Ákim orynbasarynyń atap ótýinshe, sport salasynda da memlekettik-jekeshelik áriptestiktiń 2 kelisimsharty jasalǵan. Onyń biri múmkindigi shekteýli adamdar úshin «Tarlan» paralımpıadalyq jattyǵý ortalyǵy jáne muz alańyndaǵy jumyssy uıymdastyrýdy qarastyrady. Al ekinshi joba «Qazaqstan» sport saraıyn jańǵyrtýdy kózdeıdi.

«Mamandandyrylǵan paralımpıadalyq ortalyq 2018 jyldan beri jumys isteıdi. Ol - múmkindigi shekteýli adamdarǵa tolyqtaı beıimdelgen ǵımarat. Ortalyqta sporttyń 17 túri boıynsha jattyǵýlar tegin ótkiziledi. Ortasha eseppen aıyna 3,4 myń adam shuǵyldanady. «Qazaqstan» sport saraıyna qatysty osy jyldyń sáýirinde ózderińiz mindettemeni uzartý týraly qosymsha kelisimdi qoldadyńyzdar. Búginde naqty jumystar júrgizildi. Qazirgi ýaqytta bólshekteý jumysy aıaqtaldy. Qurylys jumystary memlekettik saraptama qorytyndysy alynǵannan keıin bastalady. Josparǵa jáne ýaǵdalastyqqa baılanysty osy jyldyń 1 tamyzyna deıin saraptama qorytyndysyn alýǵa tıispiz», - dedi Eset Báıken.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT