+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Elordada jylý energııasynyń tapshylyǵy týyndaýy yqtımal – Nurlan Noǵaev

2020 jylǵy 30 qyrkúıek 11:03
Bólisińiz:
Elordada jylý energııasynyń tapshylyǵy týyndaýy yqtımal – Nurlan Noǵaev

NUR-SULTAN. QazAqparat – Elordada jylý energııasynyń tapshylyǵy oryn alýy yqtımal. Bul týraly búgin Úkimet otyrysynda QR Energetıka mınıstri Nurlan Noǵaev aıtty, dep habarlaıdy QazAqparat tilshisi.

Uqsas jańalyqtar
Nurlan Noǵaev Qyzylorda oblysynyń energııamen jabdyqtaý júıesimen tanysty Qazyǵurt aýdanynyń 51 eldi mekenindegi 102 235 turǵyn bıyl tabıǵı gazben qamtylmaq «Qashaǵannan» tórt jylda 50 mln tonna munaı óndirildi

Nurlan Noǵaev otyrys barysynda jylytý maýsymyna daıyndyqqa júrgizilgen taldaýǵa oraı aǵymdaǵy jylytý maýsymyn ótkizýde erekshe nazar aýdaratyn birqatar óńirler anyqtalǵanyn atap ótti.

«BatysQazEJTK» óńirlik elektr jelilik kompanııasynyń elektr jelileriniń tehnıkalyq jaǵdaıyna erekshe kóńil bólý qajet. Kásiporyndy qarjylandyrý problemalary Batys Qazaqstan oblysynyń elektr jelilerin tolyq kólemde jóndeýge, jańǵyrtýǵa jáne rekonstrýktsııalaýǵa múmkindik bermeıdi, jeliler tozǵan. Elektr jelilerin senimdi basqarýǵa alǵan kompanııa mindettemelerin is júzinde qajetti deńgeıde oryndamaı otyr», - dedi mınıstr.

Sonymen qatar ol Qaraǵandy oblysy Shet aýdanynyń tutynýshylaryna elektr energııasyn berýdi jáne taratýdy júzege asyratyn «Shet Energo» seriktestigi qyzmetine qatysty Energetıka mınıstrligine turǵyndardan kóptegen shaǵymdar kelip túskenin aıtty.

«Shet Energo» seriktestigin tekserý nátıjeleri boıynsha, elektr energetıkasy salasyndaǵy normatıvtik quqyqtyq aktilerdiń talaptaryn elektr jelilerin paıdalaný jáne olardyń tehnıkalyq jaǵdaıy bóliginde zańbuzýshylyq anyqtaldy. Buǵan qosa, seriktestik energııa berýshi uıymdarǵa qoıylatyn zańnama talaptaryna sáıkes kelmeıdi. Osyǵan baılanysty, tekseris materıaldary quzyreti boıynsha sharalar qabyldaý úshin Ulttyq ekonomıka mınıstrligi Tabıǵı monopolııalardy retteý komıtetiniń Qaraǵandy oblystyq departamentine jáne Qaraǵandy oblysynyń prokýratýrasyna joldandy», - dedi mınıstr.

Nurlan Noǵaev sońǵy birneshe jyl qatarynan qanaǵattanarlyqsyz tehnıkalyq jaǵdaıyna baılanysty «ArselorMıttal Temirtaý» aktsıonerlik qoǵamynyń 2-shi jylý elektr ortalyǵynyń qazandyqtary apattyq jaǵdaıda jıi ajyratylyp otyrǵanyna, sonyń saldarynan Temirtaý qalasynyń turǵyndaryn jylýmen jabdyqtaý kestesi buzylǵanyna nazar aýdartty.

«Ótken jylytý maýsymynda osy 2-shi jylý elektr ortalyǵynda temperatýralyq rejımdi saqtamaý boıynsha 17 jaǵdaı tirkeldi», - dedi ol.

Mınıstrdiń aıtýynsha, 2020-2021 jyldardaǵy jylytý maýsymynda elordanyń jylýmen jabdyqtaý júıesi jumysynyń rejımdik kartasyna taldaý júrgizilgen.

«Taldaý qorytyndysy jylý energııasynyń tapshylyǵyn jabý úshin 2020 jylǵy jeltoqsanda paıdalanýǵa berý josparlanǵan №8 qazandyq agregaty jáne 2-shi jylý elektr ortalyǵy №6 stansa týrbınasyn paıdalanýǵa berý qajet ekenin kórsetti. Joǵaryda kórsetilgen agregattar ýaqtyly paıdalanýǵa berilmegen jaǵdaıda, jylý energııasynyń tapshylyǵy bolýy yqtımal. Osyǵan baılanysty, Nur-Sultan qalasynyń ákimdigine tutynýshylardy energııamen senimdi jáne úzdiksiz jabdyqtaýdy qamtamasyz etý maqsatynda 1-shi jáne 2-shi jylý elektr ortalyqtaryndaǵy 1-shi iske qosý keshenderin paıdalanýǵa berýdi jedeldetý qajet dep sanaımyz», - dedi Nurlan Noǵaev.

Sonymen qatar ol «Kentaýservıs» kásiporny Kentaý jylý elektr ortalyǵynyń jóndeý jumystaryn qarjylandyrýǵa kóńil bólý qajettigin aıtty.

«Ortalyqty jóndeý jumystaryna jalpy 1 mlrd 844 mln teńge josparlanǵan bolatyn. Onyń ishinde tek 479 mln teńge bólindi. Bul jóndeýge talap etiletin qarajattyń 26 paıyzyn ǵana quraıdy. Oblys ákimdiginiń qajet qarajat bólýine nazaryn aýdaramyz», - dedi mınıstr.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT