+7 (701) 759 90 19
USD 429.59 EUR 507.3
RUB 5.62 CNY 64.1
Jańalyqtar

Elordada jyl sońyna deıin «Rýhanı jańǵyrý» aıasynda 200-den astam is-shara ótedi

2019 jylǵy 8 qazan 01:06
Bólisińiz:
Elordada jyl sońyna deıin «Rýhanı jańǵyrý» aıasynda 200-den astam is-shara ótedi

NUR-SULTAN. QazAqparat - «Rýhanı jańǵyrý» baǵdarlamasy sheńberinde 2019 jyldyń sońyna deıin Nur-Sultanda 200-den astam aýqymdy is-shara ótkizý josparlanǵan. Búgingi kúni onyń 130-y ótkizildi, dep habarlaıdy elorda ákimdiginiń resmı saıty.

Elbasynyń «Bolashaqqa baǵdar: Rýhanı jańǵyrý» baǵdarlamasyn júzege asyrý jumystaryn úılestirý maqsatynda elordada Rýhanı jańǵyrý jobalyq keńsesi quryldy.

«Elordada júzege asyrylyp jatqan jobalar Elbasy maqalasynda kózdelgen jańǵyrýdyń 6 baǵytyna baǵyttalǵan. Ol úshin Nur-Sultanda 13 arnaıy jobany júzege asyrý úshin arnaıy jumys toby quryldy», - dedi Nur-Sultan qalasynyń Qoǵamdyq damý isteri basqarmasynyń ókilderi.

Qalada ótip jatqan is-sharalar jastardy keń aýqymda qamtýǵa baǵyttalǵan. Atap aıtqanda, «Rýhanı jańǵyrý» baǵdarlamasy aıasynda «True or False» jobasy iske asyrylýda, ol jastardyń synı oılaý qabileti men aqparattyq saýatyn arttyrýdy kózdeıdi. Buǵan qosa, joba sheńberinde jastardyń synı oılaý jáne kıberkeńistikte aqparatty taldaý qabiletin arttyratyn «True or False» synı oılaý mektebi ashylady.

Qazan-qarasha aılarynda ІT, kıberqaýipsizdik, psıhologııa jáne kommýnıkatsııa salasynyń jetekshi sarapshylary 14-29 jas aralyǵyndaǵy 150 qatysýshyǵa arnap trenıngter ótkizedi. Sondaı-aq jobalyq keńse aıasynda bilim ortalyǵy jumys isteıdi, onda qazaqstandyq professorlar men qoǵam qaıratkerleri «Rýhanı jańǵyrý» baǵdarlamasy boıynsha tegin lektsııa oqıdy. Tegin dárister jyl sońyna deıin ár dúısenbi jáne seısenbi kúnderi saǵat 9.00-de «Januıa» otbasyn qoldaý ortalyǵynda ótedi.

«Qazaqstannyń kıeli jerleriniń geografııasy» arnaıy jobasynyń sheńberinde Jobalyq keńse elorda turǵyndary men qonaqtaryna arnap qalanyń tarıhı-mádenı jerlerine tegin ekskýrsııa uıymdastyrylady. Ekskýrsııany ár sársenbi saıyn kásibı gıdter júrgizedi. Sonyń arqasynda astanalyqtar «Qazaqstannyń kıeli jerleriniń» tizimine engen 7 nysandy kózben kórip, tarıhymen tanysa alady.

Baǵdarlamanyń baǵy bir mańyzdy baǵyty «Týǵan jer» patrıottyq sezim men qaıyrymdylyqty damytyp, turǵyndardyń óziniń týǵan ólkesiniń damýyna úles qosýǵa baýlýǵa baǵyttalǵan. Máselen, 2019 jyly Astanalyq saıabaqta jańa «Kunshyaq» ınklıýzıvti alańy ashyldy. Bul erekshe qajettiligi bar balalardy fızıkalyq turǵyda damytý maqsatynda qalalyq ákimdik pen «Rotarı-klýb Astana» qoǵamdyq birlestiginiń birlesken jumysynyń arqasynda múmkin boldy. Atalǵan nysannyń qurylysyna qoǵamdyq birlestikpen 29 mln. teńge bólindi. Osylaısha elordalyq kásipkerler Baǵdarlama júktegen mindetterdiń mańyzdylyǵyn túsine otyryp, áleýmettik ınfraqurylymdy damytýǵa baǵyttalǵan bastamalarǵa kóp kóńil bóledi.

Jalpy sońǵy 3 jyl ishinde qalada 10-nan astam áleýmettik mańyzdy nysan ashylyp, qazirgi kúni jumys istep tur. Onyń ishinde «Nural» balalardy damytý ortalyǵy, Botanıkalyq baq, Paralımpıadalyq jattyǵý ortalyǵy, «Úıdegi dáriger» medıtsınalyq ortalyǵy jáne t.b. bar.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT