Elordada jyl basynan beri 245 adam daǵdarys ortalyǵyna jiberildi
2021 jylǵy 4 qarasha 22:19

Elordada jyl basynan beri 245 adam daǵdarys ortalyǵyna jiberildi

NUR-SULTAN. QazAqparat – Nur-Sultan qalasynda jyl bastalǵaly 245 adam daǵdarys ortalyǵyn jiberildi, dep habarlaıdy QazAqparat qalalyq Polıtsııa departamentiniń baspasóz qyzmetine silteme jasap.

«Otbasylyq zorlyq-zombylyq qurbandaryn ýaqytsha oqshaýlaý sharasy qarastyrylǵan. Ol úshin qala ákimdigi men úkimettik emes uıymdar janynan daǵdarys ortalyqtary quryldy. Ol jerde turmystyq jábir kórýshilerge psıhologııalyq, áleýmettik, quqyqtyq jáne basqa da qajetti kómek kórsetiledi. Elordada jyl basynan beri daǵdarys ortalyqtaryna 245 adam jiberildi. Onyń 77-i áıel jáne 168-i bala», - degen aqparat taratty departament.

Osy oraıda Polıtsııa departamenti adam densaýlyǵyna qasaqana zııan keltirý jáne uryp-soǵý faktisi boıynsha 20 táýlikke deıin qamaýǵa alynatynyn eskertedi.

Aıta keteıik, bıyl elordada otbasylyq zorlyq-zombylyqqa qatysty 14 myńnan astam shaǵym túsken.

Sondaı-aq, astanalyq tártip saqshylardyń otbasylyq kúsh kórsetýshilerge qarsy kúreste jańa ádisti qoldanyp jatqany aıtyldy.



Jańalyqtar

MURAǴAT