+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Elordada jolaýshylar avtobýsyna arnalǵan jańa joldar qosylady

2021 jylǵy 14 mamyr 15:30
Bólisińiz:
Elordada jolaýshylar avtobýsyna arnalǵan jańa joldar qosylady

NUR-SULTAN. QazAqparat – Elordada taǵy 15 jolda «Bus Lane» arnaıy jolaqtaryn engizý josparda bar. Olardyń jalpy uzyndyǵy 42,3 shaqyrymdy quraıdy, dep habarlaıdy QazAqparat tilshisi.

2021-2022 jyldarda qoǵamdyq kólikke arnalǵan «Bus Lane» jolaǵy A. Baıtursynov, J. Nájimedenov, Q. Muhamedhanov, Túrkistan kósheleri, Jeńis, Abylaı han, Qabanbaı batyr, Turan, B. Momyshuly, Táýelsizdik (3-bóligi), Uly Dala, Máńgilik El, R. Qoshqarbaev dańǵyldarynda iske qosylady.

«Bus Lane» jobasynyń maqsaty – jolaýshylardyń yńǵaıly jol júrýine jaǵdaı jasaý jáne qoǵamdyq kólik qozǵalysyna basymdyq berý. Budan basqa, arnaıy jolaqpen júrý quqyǵy shuǵyl qyzmetterine (jedel járdem, órt qyzmeti) beriledi.

«Bus Lane» jobasy elordada 2015 jylǵy 26 shildede engizildi. Alǵashynda arnaıy joldar Abylaı han dańǵylynan Saraıshyq kóshesine deıingi B. Momyshuly dańǵylynda jáne Ýálıhanov kóshesinen Saryarqa kóshesine deıingi bólikterdegi Bógenbaı batyr dańǵylynda paıda boldy. Birinshi bóliktiń uzyndyǵy – 2,84, ekinshisiniń uzyndyǵy – 2,15 shaqyrymdy qurady.

Búgingi kúni Nur-Sultanda 21 jolda uzyndyǵy 51 shaqyrymdyq avtobýs jelisi bar. Bul óz kezeginde baǵdar jelisiniń 13% qamtıtyn kólik qańqasyn qalyptastyrýǵa múmkindik berdi. Búginde qoǵamdyq kóliktiń biregeı paıdalanýshylarynyń sany 550 myńnan astam adam (elorda halqynyń 46%). Qoǵamdyq kólikpen kún saıyn 500 000 sapar jasalady.

«Bus Lane» arqyly qoǵamdyq kólik quraldarynyń júrý tıimdiligi 25%-ǵa jetedi jáne jol júrý ýaqytyn 12,5 mınýtqa qysqartady. Mysaly, avtobýs arnaıy bólingen 15 shaqyrymdyq jolaqpen júrgende onyń jol júrý ýaqyty 37,5 mınýtty quraıdy, «Bus Lane» bolmasa – 50 mın. Bólingen jolaqtardy keńeıtý, bolashaqta qoǵamdyq kólikti damytýǵa oń áserin tıgizedi. Óz kezeginde, bul avtobýstardyń jol júrý ýaqytyn qosymsha 14%-ǵa qysqartady. Budan basqa, kestelerdi 160-tan astam birlikke ońtaıly qaıta bólý arqyly, avtobýs tapshylyǵyn qysqartady. Jalpy alǵanda, kóbeıtiletin jolaqtardy eskere kele, «Bus Lane» baǵdar jelisiniń 23% qamtıtyn bolady. Engiziletin bólikter tiziminen qala mańy jáne qalalyq baǵyttar úshin mańyzdy kólik arterııasy – Qabanbaı batyr dańǵylyn bólek qarastyrý qajet. Ol jolmen kún saıyn 7 qala mańy jáne 8 qalalyq baǵyttar júredi. Bul – 192 avtobýs», - deıdi «City Transportation Systems» JShS Basqarma Tóraǵasy Bekmyrza Igenberdınov.

Memleket basshysymen qalalar ishindegi kólik legin saýatty qurý, qoǵamdyq kólikterge arnalǵan jolaqtar boıynsha kólik júrgizýshileriniń qarbalas saǵattarynan tys jáne demalys kúnderi qozǵalý múmkindigin pysyqtaý týraly tapsyrmasy berilgen edi. Tapsyrmaǵa oraı, «City Transportation Systems» JShS baǵdar jelisine taldaý júrgizip, Abylaı han dańǵyly boıynsha osy bastamany engizý týraly sheshim qabyldandy. Pılottyq jobany engizý barysynda jan-jaqty tıimdilik esepteledi.

Sondaı-aq, Nur-Sultan qalasynyń ákimdigimen Túrkistan kóshesindegi bólý jolaǵyn alyp tastap, ony qala ortalyǵyna qaraı engizý týraly sheshim qabyldandy. Bul turǵyzylyp jatqan turǵyn aýdandy qoǵamdyq kóliktiń qyzmet etýin tolyq kólemde qamtamasyz etýge jáne joldyń shetki oń jaǵyn kólik turaǵyna aınaldyrmaýǵa kómektesedi.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT