Elordada jaýyn sýy aǵatyn kollektorlardan 34 tonna qoqys alyndy

NUR-SULTAN. QazAqparat - Kóshelerdi sý basýdan saqtaý úshin ákimdik jaýyn sýy aǵatyn káriz salý jáne kollektorlardy tazartý boıynsha júıeli jumystar júrgizýde, dep habarlaıdy qalalyq ákimdiktiń baspasóz qyzmeti.

Imanov, Baraev, Tashenov kóshelerinde nóser kárizi júıesi qaıta jóndelip jatyr. Jóndeý 2021 jyly aıaqtalady.

«Bul sý basatyn ýchaskelerdiń biri. Tashenov kóshesindegi uzyndyǵy 530 metr bolatyn nóserli kollektor laı men balshyqtan tazartyldy. 34 tonnadan astam qoqys shyǵaryldy. Osynyń barlyǵy kollektordyń jumysyn qıyndatty. Ol tolyǵymen bitelip qalǵan. Tazalaý jumystary jalǵasady. Bul jerde buryn batpaq bolǵan, qazir qurǵap, nóser aǵyndary jınaǵyshynyń qurylysy júrip jatyr. «Jastar» shaǵyn aýdanyndaǵy jańa qurylystardyń qýaty (Táshenov jáne Amman kósh. qıylysy) táýligine 42 myń tekshe metrden asady. Bul tazalaý qurylǵylary Tashenov, Baraev, Ýálıhanov, Imanbaev kósheleri men Respýblıka dańǵylyn sý basýdan saqtaıdy», – dedi «Elorda Eco System» ShJQ MKK bas dırektorynyń mindetin atqarýshy Marsel Uzaqov.

B.Momyshuly ýchaskesinde nóser káriziniń magıstraldy kollektorynyń qurylysy júrgizilýde (Daýylpaz kóshesinen bastalyp, Elim-aı kóshesine deıin jalǵasady).

Budan basqa, qalada kollektorlardyń jalpy uzyndyǵy 354 km quraıdy, olardyń 134 km tazalaýdy qajet etedi.

2019 jyly Myńjyldyq alleıasy aýdanynda eki ýchaske boıynsha nóser kárizi máselesi sheshildi.