Elordada jastarǵa arnalǵan bos jumys oryndar jármeńkesi ótedi
2022 jylǵy 5 shilde 00:11

Elordada jastarǵa arnalǵan bos jumys oryndar jármeńkesi ótedi

NUR-SULTAN. QazAqparat - Investıtsııalar jáne kásipkerlikti damytý basqarmasy qalanyń memlekettik jáne vedomstvolyq baǵynysty uıymdarymen birlesip, 8 shildede elordanyń jastary men JOO jáne kolledj túlekteri úshin bos jumys oryndar jármeńkesin uıymdastyrady, dep habarlaıdy Nur-Sultan ákimdiginiń resmı saıty.

Myńǵa jýyq jumys ornyn kadrlar izdep júrgen 40-tan astam jumys berýshi usynady. Bul-ónerkásip, týrızm jáne saýda salasyndaǵy iri bıznes ókilderi.

JOO túlekterin jumysqa ornalastyrý máselesi áli de ózekti bolyp otyr. Barlyq sertıfıkattalǵan mamandar ýnıversıtetti bitirgennen keıin birden jumys taba almaıdy.

Sondyqtan, aldaǵy jastar jármeńkesi-bul ózderi qalaǵan saladaǵy bos jumys oryndary naryǵyn zertteýge jáne birneshe jumys berýshimen bir jerde tikeleı sóılesýge tamasha múmkindik.

Óz tarapynan izdenýshilerge múmkindiginshe ózimen birge túıindeme baılanys derekterin alyp kelýi kerek.

Bos oryndar jármeńkesi 8 shilde kúni saǵat 10:00-den 17:00-ge deıin Respýblıka dańǵyly, 34 meken-jaıy boıynsha ornalasqan «Jastar» saraıynyń birinshi qabatynda ótedi.

Seriktester jańalyqtary

Jańalyqtar

Úrdis

MURAǴAT