Elordada jańa fontandar iske qosyldy
2022 jylǵy 22 maýsym 11:33

Elordada jańa fontandar iske qosyldy

NUR-SULTAN. QazAqparat – Elordada 200-den astam qoǵamdyq jáne aýla keńistigi abattandyrylyp jatyr, dep habarlaıdy QazAqparat tilshisi.

«Bıyl qala turǵyndaryn jumyldyra tyryp, qoǵamdyq tyńdaýlar ótkizildi. Qalanyń barlyq aýdanynda, onyń ishinde turǵyn úı alaptarynda 200-den astam qoǵamdyq jáne aýla keńistigin abattandyrý jumysy júrgizilip jatyr», - dep málim etti Nur-Sultan qalalyq qorshaǵan ortany qorǵaý jáne tabıǵat paıdalaný basqarmasy agenttik tilshisiniń saýalyna oraı.

Máselen, basqarma málimetinshe, Ýrbanıstıka ortalyǵy Kenesary men Beıbitshilik kóshesi aýdanyndaǵy tarıhı alańdy qaıta jóndeý jobasyn júzege asyrdy. Aýmaqta 3 sýburqaq kesheni iske qosyldy: jıyntyq-arkaly týnneldi sýburqaq, tumandy sýburqaq, búrikkish áseri bar sýburqaq. Amfıteatr salý jáne kógaldandyrý jumysy aıaqtaldy.

Beıbitshilik kóshesindegi ortalyq qalalyq alańdy jaıta jóndeý jalǵasyp jatyr.

Osy jyly qala aýmaǵynda 11 saıabaq salý josparlanǵany habarlanǵan edi. Onyń ekeýi Esil, ekeýi Almaty, úsheýi Saryarqa jáne tórteýi Baıqońyr aýdanynda ornalasady. Sonymen qatar 5 tabıǵat qorǵaý nysany boıynsha jobalaý-izdenis jumystary júrgizilip jatyr.


Seriktester jańalyqtary

Jańalyqtar

Úrdis

MURAǴAT