+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Elordada XIV Eýrazııalyq Kazenergy forýmy ótedi

2021 jylǵy 21 qyrkúıek 11:49
Bólisińiz:
Elordada XIV Eýrazııalyq Kazenergy forýmy ótedi

NUR-SULTAN. QazAqparat - Elordada 4-8 qazan aralyǵynda WORLD ENERGY WEEK jáne XIV Eýrazııalyq Kazenergy forýmy ótedi. Іs-sharany KAZENERGY qaýymdastyǵy Dúnıejúzilik energetıkalyq keńespen (WEC) birlesip «ENERGY FOR BETTER LIVES/Energetıka - adamzat ıgiligi» taqyrybynda uıymdastyrady, dep habarlaıdy QazAqparat atalmysh qaýymdastyqqa silteme jasap.

Uqsas jańalyqtar
Elordada «Avtomobıl» jedel aldyn alý sharasy barysynda urlanǵan 28 kólik tabyldy Dızel tapshylyǵy: Atyraý MÓZ-degi jóndeý jumystary kelesi jylǵa aýystyryldy «Teńizshevroıl» otandyq kásiporyndardyń taýaryn satyp alýdy ulǵaıtýy kerek – Energetıka mınıstri

Bıyl WORLD ENERGY WEEK alǵash ret Ortalyq Azııada - Qazaqstan Respýblıkasynyń astanasy – Nur-Sultan qalasynda ótkizilgeli otyr.

Іs–sharanyń negizgi maqsaty - turaqty damýǵa jáne energııany adamzat ıgiligi úshin paıdalanýǵa járdemdesý. 2021 jylǵy dúnıejúzilik energetıkalyq aptany Qazaqstan Respýblıkasynyń ulttyq komıteti ótkizedi. Aptalyq baǵdarlama jahandyq energetıkalyq qoǵamdastyq úshin aýqymdy is-sharalar men jelilik múmkindikterdi, sonyń ishinde salalyq mınıstrlikterdiń basshylary, transulttyq korporatsııalar men halyqaralyq uıymdardyń basshylary, energetıka salasyndaǵy kóshbasshylar men sarapshylardyń keń aýdıtorııasy jınalatyn joǵary deńgeıdegi eksklıýzıvti otyrystardy usynady. Bul ulttyq, óńirlik jáne jahandyq deńgeılerde ornyqty energetıkalyq júıelerdi qurý úshin energetıka máseleleri boıynsha pikirsaıystar men ashyq dıalogqa yqpal etetin bolady.

Energy for better lives/energetıka - adamzatıgiligi

Taqyryp halyqaralyq qoǵamdastyqtyń energetıkalyq qaýipsizdikti, dekarbonızatsııany jáne tómen kómirtekti damýdy qamtamasyz etýge degen umtylysyn kórsetedi. Taqyrypty tańdaý sonymen qatar SOVID-19 pandemııasynan týyndaǵan álemdik daǵdarysty eńserýge jáne adamdardyń ómirin jaqsartýǵa baǵyttalǵan kúsh-jigermen baılanysty.

XIV eýrazııalyq kazenergy forýmy

14 jyldyq tarıhynda KAZENERGY Eýrazııalyq forýmy aımaqtaǵy energetıkalyq sektordyń basty halyqaralyq oqıǵasyna aınaldy. Forým energetıkalyq naryqtarǵa qatysýshylar arasynda tıimdi dıalogty qamtamasyz etýge, energetıkalyq júıeni damytýdyń ózekti úrdisteri men baǵyttaryn qaraýǵa arnalǵan.

Forým barysynda QR Táýelsizdiginiń 30 jyldyǵyn merekeleý aıasynda XIV Eýrazııalyq Kazenergy forýmy alańynda birqatar prezentatsııalar men oqıǵalar ótedi:

«Qazaqstannyń munaıy men gazy – Táýelsizdiktiń 30 jyly: jasampazdyq joly» kitabynyń tusaýkeseri

Derekti fılmniń tusaýkeseri (bes fılmnen turatyn serııa)

QR Táýelsizdiginiń 30 jyldyǵyna arnalǵan arnaıy konferentsııa.

Sondaı–aq, Qazaqstannyń otyn-energetıka sektorynyń aǵymdaǵy jaı-kúıi men damý perspektıvalaryn neǵurlym jan-jaqty taldaý-V ulttyq energetıkalyq baıandama usynylady.

Іs-sharaǵa qatysý úshin http://kazenergyforum.com saıtyna kirip, tirkelýge bolady.

Dúnıejúzilik energetıkalyq keńes (World Energy Council) - 1923 jyly qurylǵan iri energetıkalyq halyqaralyq úkimettik emes uıym. DEK quramyna memlekettik bılik organdaryn, ónerkásiptik jáne sarapshylyq uıymdardy qosa alǵanda, 300-den astam uıymnyń atynan ókildik etetin 90-nan astam ulttyq komıtet kiredi. Jyl saıyn keńes álemdik energetıka kóshbasshylarynyń jahandyq is–sharasy - WORLD ENERGY WEEK ótkizedi.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT