+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Elordada vaktsınalanbaǵan qyzmetkerlerdiń tikeleı jumys ornynda bolýy shekteldi

2021 jylǵy 2 tamyz 15:37
Bólisińiz:
Elordada vaktsınalanbaǵan qyzmetkerlerdiń tikeleı jumys ornynda bolýy shekteldi

NUR-SULTAN. QazAqparat – Elordada 2 tamyzdan bastap jańa karantındik shekteýler kúshine endi. Qalanyń bas memlekettik-sanıtarlyq dárigeriniń qaýlysyna sáıkes koronavırýsqa qarsy vaktsına almaǵan jekelegen uıymdar men nysandardyń qyzmetkerlerine (turaqty medıtsınalyq qarsy kórsetilimderi bar jáne sońǵy 3 aı ishinde KVI-men aýyrǵandardy qospaǵanda) tikeleı jumys ornynda eńbek etýine shekteý engiziledi. QazAqparat bul týraly Nur-Sultan ákimdigine silteme jasap habarlaıdy.

Uqsas jańalyqtar
Qaraǵandyda kenshiler men metallýrgter arasynda eki avtokólik oınatyldy ShQO-da ımmýndyq plazmanyń 7 myńǵa jýyq dozasy daıyndaldy Batys Qazaqstanda sońǵy aptada koronavırýs juqtyrý kórsetkishi 7,3 paıyzǵa tómendedi

Olardyń ishinde: halyqqa qyzmet kórsetý nysandary, memlekettik organdar men uıymdar, óndiristik nysandar, qurylys, kóterme jáne bólshek saýda nysandary, mádenıet jáne demalys nysandary, qonaq úıler, áýejaılar, vokzaldar, bilim berý jáne tárbıeleý uıymdary, densaýlyq saqtaý, sanatorııler, kóńil kóterý oryndary, dárihanalar jáne taǵy basqalary.

Budan bólek, memlekettik organdar, keńseler, ulttyq kompanııalar men ózge de uıymdar qyzmetkerleriniń 80% qashyqtan jumys isteý formatyna aýystyrylýy tıis. Aıta keteıik, sońǵy 3 aı ishinde vaktsınalanǵan jáne aýyryp jazylǵan adamdar úshin bul talap qoldanylmaıdy.

Bas sanıtarlyq dárigerdiń qaýlysyna sáıkes, 2021 jylǵy 10 tamyzǵa deıin qyzmetkerlerdi koronavırýsqa qarsy vaktsınanyń birinshi komponentimen, al 2021 jylǵy 1 qyrkúıekke deıin ekinshi komponentpen (sońǵy 3 aı ishinde turaqty medıtsınalyq qarsy kórsetilimderi bar jáne COVID-19 ınfektsııasymen aýyryp jazylǵan adamdardy qospaǵanda) egýdi uıymdastyrý qajet.

Nur-Sultanda shekteý jáne karantındik sharalardy kúsheıtý týraly qaýly QR aýmaǵynda koronavırýs ınfektsııasynyń paıda bolýy men taralýyna jol bermeý jónindegi vedomstvoaralyq komıssııa otyrysynyń hattamasyna sáıkes qabyldandy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT