+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Elordada vaktsınatsııalanǵan oqytýshylar men stýdentter baǵaly syılyqtarǵa ıe bolady

2021 jylǵy 8 shilde 14:32
Bólisińiz:
Elordada vaktsınatsııalanǵan oqytýshylar men stýdentter baǵaly syılyqtarǵa ıe bolady

NUR-SULTAN. QazAqparat – Koronavırýsqa qarsy vaktsına alǵan elordalyq JOO-nyń stýdentteri men oqytýshylary elimizdiń tarıhı óńirlerine joldamalar, saýyqtyrý týrlaryn, dúkenderge jeńildikter jáne baǵaly syılyqtar ala alady, dep habarlaıdy qala ákimdiginiń resmı saıty.

Uqsas jańalyqtar
Elordada alaıaq áıel 19 adamdy aldap, 3,5 mıllıon teńgesin alyp ketken Elordada qurylys alańyndaǵy qoqystan órt shyqty Beınetaspaǵa túsirip, jaýap aldy: Kásipkerler salyq organdarynyń ilki jobasyna narazy

L.N. Gýmılev atyndaǵy Eýrazııa ulttyq ýnıversıtetiniń COVID-19-ǵa qarsy vaktsınalanǵan stýdentteri men oqytýshylary saýyqtyrý ortalyqtaryna tegin joldamalar, elimizdiń tarıhı óńirlerine týrlar, sportzalǵa abonementter, qazaq jáne aǵylshyn tilderin úırenýge arnalǵan sertıfıkattar, sol sııaqty iri saýda ortalyqtarynda taýarlar satyp alýǵa arnalǵan sertıfıkattar ala alady.

Atalmysh JOO-da 20 myńǵa jýyq stýdent oqıdy, 3000-ǵa jýyq oqytýshy men qyzmetker jumys isteıdi.

Túrli syılyqtar men joldamalar vaktsınanyń bir ǵana artyqshylyǵy emes. Aýqymdy vaktsınalaý jaǵdaıynda JOO jańa oqý jylyn tolyqqandy, qalypty rejımde bastaı alady. Vaktsınatsııa adam densaýlyǵynyń qaýipsizdigin qamtamasyz etýdiń eń qolaıly sheshimi bolyp sanalady.

«Kókshetaý-Zerendidegi «Tumar» oqý-saýyqtyrý keshenine 50 dana tegin joldamany 1-20 shilde aralyǵynda vaktsınalanatyn stýdentterge tartý etýdi josparlap otyrmyz. Sondaı-aq, 1-10 shilde aralyǵynda vaktsınatsııadan ótken alǵashqy 30 stýdent elimizdiń tarıhı jáne rýhanı oryndaryna, ıaǵnı Túrkistan men Semeı qalalaryna joldama alady. 1-15 shilde aralyǵynda ekpe alatyn alǵashqy 60 stýdentke aǵylshyn jáne qazaq tilderin oqyp-úırenýge arnalǵan tegin sertıfıkattar beriledi. Sonymen qatar, 1-15 shilde aralyǵynda ekpe alǵan 100 stýdentke stýdenttik sport ortalyǵynyń bir aılyq abonementi beriledi. Stýdentter JOO-nyń ımıdjdik ónimin de utyp ala alady. Sol sııaqty 1-15 shilde aralyǵynda ekpe alǵan alǵashqy 40 oqytýshyǵa «Magnum», «Technodom», «Mechta», «Sulpak» dúkenderiniń arnaıy sertıfıkattary tapsyrylady», - dedi ýnıversıtettiń Áleýmettik jáne azamattyq damý departamentiniń dırektory Rústem Álqoja.

Aıta ketý kerek, EUÝ-da Ashyq ótkizý júıesi jumys isteıdi. Oqý korpýstary men stýdenttik úılerdiń kireberisinde dezınfektsııalaý tonnelderi, dene temperatýrasyn ólsheý datchıkteri ornatylǵan, sol sııaqty sanıtarııalyq dárigerler kezekshilik etedi. Ǵımarattardyń ishinde sanıtaızerler ornalastyrylǵan, qajetti sanıtarlyq normalar saqtalǵan.

EUÝ jappaı vaktsınatsııa naýqanyna qatysatyn jalǵyz oqý orny emes. Sáken Seıfýllın atyndaǵy QazATÝ da qalys qalǵan joq. 2021 jyldyń 28 tamyzynda saǵat 15:00-de agronomııa fakýlteti aldyndaǵy alańda ýnıversıtet qyzmetkerleriniń vaktsınalanǵan jáne vaktsınalaý pasportyn alǵan qyzmetkerleri arasynda baǵaly syılyqtardyń utys oıyny ótedi. Vaktsınalanǵan adamdar baǵaly turmystyq tehnıkalardy jeńip ala alady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT