+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Elordada úıdiń podezinen velosıped urlap ketken er adam ustaldy

2021 jylǵy 29 shilde 09:26
Bólisińiz:
Elordada úıdiń podezinen velosıped urlap ketken er adam ustaldy

NUR-SULTAN. QazAqparat – Elorda turǵyny úıdiń podezinen quny 65 myń teńge turatyn velosıpedti urlap ketken, dep habarlaıdy QazAqparat Nur-Sultan qalalyq Polıtsııa departamentiniń baspasóz qyzmetine silteme jasap.

«Tek bıylǵy jyldyń shilde aıynyń ózinde Saryarqa aýdanynyń aýmaǵynda 16 velosıped urlaý faktisi tirkelgen. Bul osy qylmys túriniń aıtarlyqtaı artqanyn kórsetedi. Jyl basynan bergi statıstıkaǵa sáıkes aýdan aýmaǵynda 91 velokólik urlyǵy jasalǵan. Jalpy alǵan polıtseıler 48 urlyqtyń betin ashty», - dep atap ótti Nur-Sultan qalalyq PD «Saryarqa» aýdanynyń Polıtsııa basqaramasy basshysynyń orynbasary Dýlat Jumaǵulov.

Jaqynda polıtseıler kezekti velosıped urysyn ustady. Belgisiz bireýdiń kúndizgi ýaqytta Kúmisbekova kóshesindegi turǵyn úı kesheninde quny 65 myń teńge bolatyn «Plato» markaly velosıped urlaǵany anyqtaldy. Er adam bir kúnge páter jaldap, ketip bara jatqan kezde baspaldaq alańynan symarqanmen bekitilmegen velosıpedti kórip qalyp, ony urlap alyp ketken. Odan keıin ony ótip bara jatqan adamǵa 5000 teńgege satyp jibergen. Polıtseıler qylmys ornynan kúdiktini anyqtaýǵa múmkindik bergen beınejazbany aldy.

Polıtseıler azamattarǵa urlanǵan zatty satyp alǵany úshin QR QK 196-baby (Kórineý qylmystyq jolmen tabylǵan múlikti ıemdený nemese ótkizý) boıynsha qylmystyq jaýapkershilik kózdelgenin eskertedi. Sanktsııa 20-dan 160 AEK-ke deıingi mólsherde aıyppul salýdy nemese 5 jylǵa deıingi merzimge bas bostandyǵynan aıyrýdy kózdeıdi.

Polıtsııa qyzmetkerleri ustaǵan 39 jastaǵy kúdikti kinásin moıyndady. QR QK «Urlyq» baby boıynsha qylmystyq is qozǵaldy. Onyń osyǵan uqsas qylmystarǵa qatysy bar-joǵy anyqtalýda. Velosıped ıesine qaıtaryldy.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT