Elordada úı janýarlaryn ustaýdyń jańa erejesi bekitilmek
2022 jylǵy 4 shilde 14:24

Elordada úı janýarlaryn ustaýdyń jańa erejesi bekitilmek

NUR-SULTAN. QazAqparat – Nur-Sultan qalasy boıynsha úı janýarlaryn ustaý jáne serýendetý erejeleri bekitilmek. Buǵan qatysty qalalyq máslıhat tıisti erejeni ashyq talqyǵa shyǵardy, dep habarlaıdy QazAqparat tilshisi.

«Úı janýarlaryn asúıler men jataqhana dálizderinde, jertólede, shatyrda, balkonda jáne ortaq paıdalanylatyn qosalqy úı-jaılarda ustaýǵa tyıym salynady. Itti ustaý múmkin bolmasa, onda ony ıesi basqa adamǵa berýge, ýaqytsha kútip-baǵý oryndaryna ornalastyrýǵa, zoologııalyq oryndarǵa tapsyrýǵa mindetteledi. Itterdi ózdiginen serýendeýge jiberilmeýi tıis. Ol baılaýly nemese úıshikte bolýy qajet», - delingen qaýlyda.

Qujatta ıtterdi tyıym salynbaǵan jerlerde 2 metrden aspaıtyn qarǵy baýmen tumyldyryqsyz serýendetýge bolatyny jazylǵan. Degenmen janýar ıesi tumyldyryq alyp júrýge mindetti. Qajet bolǵan ony taǵýy tıis.

«Úı janýarlary kóshe nemese magıstral janynda bolǵan kezde olarǵa tumyldyryq kıgiziledi jáne 1,5 metrden aspaıtyn qysqa qarǵy baý taǵylady. Sondaı-aq ıtterdi mektep, medıtsına jáne mádenıet uıymdary, sporttyq oıyn alańdarynyń aýmaǵynda ustaýǵa tyıym salynady», - dep kórsetilgen qujatta.

Birneshe otbasy turatyn úı, páter, bólmelerde janýarlardy ustaý sol jerde turatyn barlyq kámeletke tolǵan otbasy músheleriniń kelisimimen ǵana júzege asyrylady.

Bul Ereje 10 kúnnen keıin zańdy kúshine enedi.


Seriktester jańalyqtary

Jańalyqtar

Úrdis

MURAǴAT