+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Elordada úı kezeginde turǵandar jalǵa beriletin baspanaǵa qujat tapsyra alady

2020 jylǵy 26 qyrkúıek 22:08
Bólisińiz:
Elordada úı kezeginde turǵandar jalǵa beriletin baspanaǵa qujat tapsyra alady

NUR-SULTAN. QazAqparat - Nur-Sultan qalasy ákimdigine qarasty «Turǵyn úı qory» kommýnaldyq memlekettik kásiporny satyp alý quqyǵymen jalǵa beriletin turǵyn úıge qujat qabyldaı bastady. Bul - «Qazaqstan ıpotekalyq kompanııasy» AQ arqyly baspanaly bolatyn úmitkerlerge arnalǵan baǵdarlama, dep habarlaıdy QazAqparat

Uqsas jańalyqtar
Baqytjan Saǵyntaev «Zerdeli» yqshamaýdanyndaǵy jaǵdaıdy óz baqylaýyna aldy Ulttyq bank «Baspana hıt» ıpotekalyq baǵdarlamasyna ózgeris engizdi Danıal Ahmetov Óskemendegi kópqabatty úılerdiń qurylysyn synǵa aldy

Bul baǵdarlamaǵa turǵyn úı kezeginde turǵan barlyq sanattar jáne Nur-Sultan qalasynyń ákimdigine vedomstvolyq baǵynysty bilim, densaýlyq saqtaý, mádenıet, sport jáne áleýmettik qorǵaý salasynyń qyzmetkerleri, sondaı-aq polıtsııa jáne tótenshe jaǵdaılar departamentiniń qyzmetkerleri qatysa alady.

«Ótinimdi turǵyn úıge kezekte turǵan barlyq sanattar jáne jumys orny boıynsha talapqa sáıkes keletinder bere alady (kópbalaly otbasylar, tolyq emes otbasylar, memlekettik qyzmetshiler jáne basqalar). Páter sany - 244. Bul - satyp alý quqyǵymen jalǵa beriletin turǵyn úı. Ár sharshy metrdi jalǵa alý quny – 1455 teńge. Jalǵa alýdyń eń uzaq merzimi – satyp alý quqyǵymen 20 jylǵa deıin» delingen kásiporynnyń habarlamasynda.

Turǵyn úı jaldaý merzimi ótkennen keıin jalǵa alýshynyń menshigine ótedi. Tabys jetkiliksiz bolǵan jaǵdaıda kepilgerlerdi tartý múmkindigi bar.

Bul úıler Nur-Sultan qalasynyń Tilendıev dańǵyly, Sary Bulaq aǵysynyń boıynda jáne Toraıǵyrov kóshesinde ornalasqan.

Qujattar 28 qyrkúıek saǵat 00.00 bastap 7 qazan saǵat 00.00 deıin qabyldanady.

Ótinim qabyldaý elektrondy túrde júrgiziledi. 28 qyrkúıekten bastap zhilfond.kz saıtynda «Onlaın servıster» bóliminde «Satyp alý quqyǵymen jalǵa beriletin turǵyn úıge ótinim berý (QIK)» terezesi paıda bolady. Ótinim berý úshin Sizde ETsQ kilti jáne jumys ornynan anyqtama bolýy qajet (basqa qujattar talap etilmeıdi).

«Otbasyńyzdyń quramyna qaramastan, kez kelgen (1,2,3 bólmeli) páterge úmitker bola alasyz. Degenmen, siz tańdaǵan páterdi alý tólem qabiletińizge tikeleı baılanysty. Іrikteý kezekke qoıylǵan kúnge qaraı júrgiziledi» dep habarlaıdy mekeme.

Aıta keteıik, irikteýden ótken soń qatysýshylar Qazaqstan ıpotekalyq kompanııasyna júginip, tólem qabiletin rastaýy kerek.


Bizdiń kanalymyzǵa jazylyńyz:

Bólisińiz:

Avtor:

Janat Qapalbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT